بدن پر ہلکا اور میزان میں بھاری

ایک چُپ سو سُکھ (خاموشی کے فضائل)

کتاب میں نتائج:

چاہتا ہے اُس پر خاموشی لازم ہے۔ ‘‘ ⁽^{^[1]}⁾

حضرت سیِّدُناابوذَرغِفاری رَضِیَ اللّٰہُ تَعَالٰی عَنْہ بیان کرتے ہیں کہ حُضُور نبی رحمت صَلَّی اللّٰہُ تَعَالٰی عَلَـیْہِ وَاٰلِہٖ وَسَلَّم نے مجھ سے ارشادفرمایا: ’’ کیامیں تمہیں ایسا عمل نہ بتاؤں جوبدن پرہلکااورمیزانِ عمل میں بھاری ہو؟ ‘‘ میں نے عرض کی: کیوں نہیں ۔ ارشاد فرمایا: ’’ وہ خاموش رہنا،حُسنِ خلاق اپنانااور فُضُول کاموں کو چھوڑنا ہے۔ ‘‘ ⁽^{^[2]}⁾

آسان عبادت

حضرت سیِّدُناصَفوان بنسُلَیْم رَضِیَ اللّٰہُ تَعَالٰی عَنْہ بیان کرتے ہیں کہ حُضُورنبی اَکرم صَلَّی اللّٰہُ تَعَالٰی عَلَـیْہِ وَاٰلِہٖ وَسَلَّمنے ارشادفرمایا: ’’ میں تمہیں ایسی عبادت کے بارے میں نہ بتاؤں جو بہت آسان اور بدن پر نہایت ہلکی ہو؟ وہ خاموشی اور حُسنِ اخلاق ہے۔ ‘‘ ⁽^{^[3]}⁾

خاموش رہنے کی نصیحت

حضرت سیِّدُناابوذَرغِفاری رَضِیَ اللّٰہُ تَعَالٰی عَنْہبیان کرتے ہیں کہ میں نے بارگاہِ رسالت میں عرض کی: یارَسُوْلَ اللّٰہصَلَّی اللّٰہُ تَعَالٰی عَلَـیْہِ وَاٰلِہٖ وَسَلَّم! مجھے کوئی نصیحت فرمائیے۔ آپ صَلَّی اللّٰہُ تَعَالٰی عَلَـیْہِ وَاٰلِہٖ وَسَلَّمنے ارشاد فرمایا: ’’ میں تمہیں حُسنِ اَخلاق اپنانے اورخاموش رہنے کی نصیحت کرتا ہوں ،یہ دونوں عمل بدن پر سب سے ہلکے اور میزان (Scale) میں بہت بھاری ہیں ۔ ‘‘ ⁽^{^[4]}⁾

سب سے عُمدہ اورآسان عمل

حضرت سیِّدُناامامشَعْبِیعَلَـیْہِ رَحْمَۃُ اللّٰہِ الْقَوِی سے روایت ہے کہ حُضُور پُرنورصَلَّی اللّٰہُ تَعَالٰی عَلَـیْہِ وَاٰلِہٖ وَسَلَّم نے ایک صحابی سے ارشادفرمایا: ’’ کیا میں تمہیں سب سے عمدہ اور سب سے آسان عمل کے بارے میں نہ بتاؤں ؟ ‘‘ صحابی نے عرض کی: میرے ماں باپ آپ پر قربان! کیوں نہیں ،ضرورارشاد فرمائیے۔ارشاد فرمایا: ’’ وہ حُسنِ اخلاق اور طویل خاموشی ہے ان دونوں کو لازِمی اختیار کرلوکیونکہ تم اللّٰہعَزَّوَجَلَّکی بارگاہ میں ان جیسا (یعنی ان سے افضل) کوئی اورعمل نہیں لے جاسکتے۔ ‘‘ ⁽^{^[5]}⁾

سب سے بُلند عبادت

حضرت سیِّدُناابوہریر ہ رَضِیَ اللّٰہُ تَعَالٰی عَنْہبیان کرتے ہیں کہ پیارے مصطَفٰے صَلَّی اللّٰہُ تَعَالٰی عَلَـیْہِ وَاٰلِہٖ وَسَلَّم نے ارشاد فرمایا: ’’ خاموشی سب سے بلند عبادت ہے۔ ‘‘ ⁽^{^[6]}⁾

عالِم کی زینت اور جاہِل کا پردہ

حضرت سیِّدُنامُحْرِزبن زُہَیْراَسلمی رَضِیَ اللّٰہُ تَعَالٰی عَنْہ بیان کرتے ہیں کہ مصطفٰے جانِ رحمت صَلَّی اللّٰہُ تَعَالٰی عَلَـیْہِ وَاٰلِہٖ وَسَلَّمنے ارشادفرمایا: ’’ خاموشی عالِم کی زینت اورجاہل کا پردہ ہے۔ ‘‘ ⁽^{^[7]}⁾

خاموشی اَخلاق کی سردار ہے

حضرت سیِّدُنااَنس بن مالک رَضِیَ اللّٰہُ تَعَالٰی عَنْہ بیان کرتے ہیں کہ اللّٰہ عَزَّوَجَلَّکے محبوب صَلَّی اللّٰہُ تَعَالٰی عَلَـیْہِ وَاٰلِہٖ وَسَلَّم نے ارشاد فرمایا: ’’ خاموشی اخلاق