30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Aik Aankh wala Aadmi | ایک آنکھ والا آدمی
جو عورت اس کے مَحارِم میں ہو اس کے سر، سینہ، پنڈلی، بازو، کلائی، گردن، قدم کی طرف نظر کرسکتا ہے جبکہ دونوں میں سے کسی کی شَہوَت کا اندیشہ نہ ہو محارم کے پیٹ، پیٹھ اور ران کی طرف نظر کرنا ناجائز ہے۔ ([1]) اسی طرح کروٹ اورگھٹنے کی طرف نظر کرنا بھی ناجائز ہے۔ ([2]) (یہ حکم اس وقت ہے جب جسم کے ان حصوں پر کوئی کپڑا نہ ہو اور اگر یہ تمام اعضا موٹے کپڑے سے چھپے ہوئے ہوں تو وہاں نظر کرنے میں حرج نہیں) کان اور گردن اور شانے (یعنی کندھے) اور چہرے کی طرف نظر کرنا جائز ہے۔ ([3]) مَحارِم کے جن اَعْضا کی طرف نظر کرسکتا ہے ان کو چھو بھی سکتا ہے جبکہ دونوں میں سے کسی کی شَہوَت کا اندیشہ نہ ہو ۔مرد اپنی والِدہ کے پاؤں دبا سکتا ہے مگر ران اُس وقت دبا سکتا ہے جب کپڑے سے چھپی ہو، یعنی (دبا سکتا ہے مگر) کپڑے کے اوپر سے اور بِغیر حائِل چھونا جائز نہیں۔ ([4]) والِدہ کے قدم کو بوسہ بھی دے سکتا ہے۔ حدیث میں ہے ”جس نے اپنی والدہ کا پاؤں چوما تو ایسا ہے جیسے جنت کی چوکھٹ کو بوسہ دیا۔“ ([5])
(3) مرد کا آزاد عورت اجنبیہ کو دیکھنا
(1) اجنبی عورت کی طرف نظر کرنے کا حکم یہ ہے کہ اس کے چہرہ اور ہتھیلی کی طرف نظر کرنا جائز ہے کیونکہ اس کی ضَرورت پڑتی ہے کہ کبھی اس کے مُوَافِق یا مُخالِف شہادت (گواہی) دینی ہوتی ہے یا فیصلہ کرنا ہوتا ہے اگر اسے نہ دیکھا ہو تو کیونکر گواہی دے سکتا ہے کہ اس نے ایسا کیا ہے۔ اس کی طرف دیکھنے میں بھی وہی شرط ہے کہ شَہوَت کا اندیشہ نہ ہو اور یوں بھی ضَرورت ہے کہ (آج کل گلیوں بازاروں میں) بَہُت سی عَورَتیں گھر سے باہَر آتی جاتی ہیں، لہٰذا اس سے بچنا بَہُت دُشوار ہے۔ بعض عُلَما نے قدم کی طرف بھی نظر کو جائز کہا ہے۔ ([6])
(2) اَجْنَبِیّہ عَورَت کے چہرہ کی طرف اگرچہ نظر جائز ہے ،جبکہ شَہوَت کا اندیشہ نہ ہو مگر یہ زَمانَہ فتنے کا ہے اس زَمانے میں ایسے لوگ کہاں جیسے اگلے زَمانے میں تھے، لہٰذا اس زَمانے میں اس کو (یعنی چہرے کو) دیکھنے کی مُمانَعَت کی جائے گی مگر گواہ و قاضی کے لیے کہ بوجہِ ضَرورت ان کے لیے نظر کرنا جائز ہے۔بَہُت چھوٹی لڑکی جو مشتہاۃ (یعنی قابلِ شَہوَت) نہ ہو اس کو دیکھنا اور چھونا بھی جائز ہے۔ ([7])
(3) اَجْنَبِیّہ عَورَت نے کسی کے یہاں کام کاج کرنے، روٹی پکانے کی نوکری کی ہے اس صُورَت میں اس کی کلائی کی طرف نظر جائز ہے کہ وہ کام کاج کے لیے آستین چڑھائے گی، کلائیاں اس کی کھلیں گی اور جب اس کے مکان میں ہے تو کیوں کر بچ سکے گا، اسی طرح اس کے دانتوں کی طرف نظر کرنا بھی جائز ہے۔([8])
[1] ھدایة،کتاب الکراھیة، فصل فی الوطء والنظر واللمس، ۲ / ۳۷۰
[2] ردالمحتار، کتاب الحظر والاباحة، فصل فی النظر والمس،۹ / ۶۰۶
[3] عالمگیری،کتاب الکراھیة، الباب الثامن فیما یحل الخ، ۵ / ۳۲۸
[4] عالمگیری،کتاب الکراھیة، الباب الثامن فیما یحل الخ،۵ / ۳۲۸
[5] الدرالمختار،کتاب الحظر والاباحة، فصل فی النظر والمس، ۹ / ۶۰۶
[6] الدرالمختار،کتاب الحظر والاباحة، ۹ / ۶۱۰ عالمگیری، کتاب الکراھیة، الباب الثامن فیما یحل الخ،۵ / ۳۲۹
[7] ھدایة،کتاب الکراھیة، فصل فی الوطء والنظر واللمس،۲ / ۳۶۸
[8] عالمگیری،کتاب الکراھیة، الباب الثامن فیما یحل الخ،۵ / ۳۲۹
کتاب کا موضوع
کتاب کا موضوع
- ایک آنکھ والا آدمی
- ایک آنکھ والا آدمی
- اپنے سے کم مرتبہ والے سے دعا کروانا
- بچو! دعا کرو عمر بخشا جائے
- نہ جانے کس کى دُعا قبول ہو
- ندامت
- نِگاہ کی اہمیت
- دوسری نظر نہ کرو
- پہلی نظر سے کیا مراد ہے؟
- اچانک نظر پڑ جائے تو کیا کریں؟
- نظر نہ جھکانے کی ہاتھوں ہاتھ سزا
- کامِل مومن کی پہچان
- دعوتِ اسلامی کی معاشرتی برائیوں کے خلاف جنگ
- بدنگاہی سے چھٹکارا مل گیا
- بدنگاہی کے نقصانات
- دیکھنے ونہ دیکھنے کی مختلف صورتیں
- (۱) مرد کا مرد کو دیکھنا
- (2) مرد کا اپنے محارِم کی طرف نظر کرنا
- (1) مرد کا اپنی زَوجہ کو دیکھنا
- (۴) مرد کا عورت کو دیکھنا
- (۲) عورت کا عورت کو دیکھنا
- (۳) عورت کا اجنبی مردکو دیکھنا
- (3) مرد کا آزاد عورت اجنبیہ کو دیکھنا
- نظر کی حفاظت کی فضیلت
- ابلیس کا زہریلا تیر
- آنکھوں میں آگ بھر دی جائے گی
- آگ کی سَلائی
- عورت کى چادر بھى نہ دیکھو
- آنکھوں کے قُفلِ مدینہ کاایک مَدَنی نسخہ
- نِگاہ مصطفٰے کی ادائیں
- ’’ اللہ آسمان سے دیکھ رہا ہے‘‘ کہنا کیسا؟
- ذرائع ابلاغ
- کوئی دیکھ تو نہیں رہا!
- نیچی نظر رکھنے کا لاجواب طریقہ
- غیر کی طرف متوجہ ہونے کی سزا
- ہمیں کیا کرنا چاہئے؟
- موٹر سائیکل بیچ دی
- ماخذ ومراجع
- مقصدِ حیات
