اچھے ماحول کی اہمیت اور افادیت سے متعلق تالیف

اچھے ماحول کی برکتیں

مؤلف

حضرتِ مولانا محمد الیاس رضوی قدس سرہ

پیش کش

مجلس المدینۃ العلمیۃ   (دعوتِ اسلامی )

(شعبہ تخریج )

ناشر

مکتبۃ المدینہ باب المدینہ کراچی

اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ   اللہ  الرَّحْمٰنِ الرَّ حِیْم ^ط                                                                                                

المد ینۃ العلمیۃ

از : شیخِ طریقت، امیرِ اہلسنّت، بانی  دعوتِ اسلامی حضرت علامہ مولانا ابوبلال محمد الیاس عطاؔر قادری رضوی ضیائی  دَامَتْ بَرَکاتُہُمُ الْعَالِیَہ  اَلْحَمْدُلِلّٰہِ علٰی اِحْسَا نِہٖ وَ بِفَضْلِ رَسُوْلِہ صَلَّی   اللہ  تَعَالٰی عَلَیْہِ وَاٰلِہٖ وَسَلَّمَ تبلیغِ قرآن و سنّت کی عالمگیر غیر سیاسی تحریک ’’دعوتِ اسلامی‘‘نیکی کی دعوت، اِحیائے سنّت اور اشاعتِ علمِ شریعت کو دنیا بھر میں عام کرنے کا عزمِ مُصمّم رکھتی ہے، اِن تمام اُمور کو بحسنِ خوبی سر انجام دینے کے لئے متعدَّد مجالس کا قیام عمل میں لایا گیا ہے جن میں سے ایک مجلس ’’ المد ینۃ العلمیۃ ‘‘بھی ہے جو دعوتِ اسلامی کے عُلماء و مُفتیانِ کرام کَثَّرَ ھُمُ   اللہ  تعالٰی  پر مشتمل ہے ، جس نے خالص علمی، تحقیقی او راشاعتی کام کا بیڑا اٹھایا ہے۔ اس کے مندرجہ ذیل چھ شعبے ہیں :

    (۱)شعبہ کتُبِ اعلیٰحضرت  رَحْمَۃُ   اللہ  تَعَالٰی عَلَیْہِ (۲)شعبہ درسی کُتُب

    (۳)شعبہ اصلاحی کُتُب           (۴)شعبہ تفتیشِ کُتُب

    (۵)شعبہ تخریج                                        (۶)شعبہ تراجمِ کتب

    ’’ا لمد ینۃ العلمیۃ ‘‘کی اوّلین ترجیح سرکارِ اعلٰیحضرت اِمامِ اَہلسنّت، عظیم البَرَکت، عظیمُ المرتبت، پروانہ شمعِ رِسالت، مُجَدِّدِ دین و مِلَّت، حامی سنّت ، ماحی بِدعت، عالِمِ شَرِیعَت، پیرِ طریقت، باعثِ خَیْر و بَرَکت، حضرتِ علاّمہ مولیٰنا الحاج الحافِظ القاری الشّاہ امام اَحمد رَضا خان  عَلیْہِ رَحْمَۃُ الرَّحْمٰن کی  گِراں مایہ تصانیف کو عصرِ حاضر کے تقاضوں کے مطابق حتَّی الْوُسعَ سَہْل اُسلُوب میں پیش کرنا ہے ۔ تمام اسلامی بھائی اور اسلامی بہنیں اِس عِلمی ، تحقیقی اور اشاعتی مدنی کام میں ہر ممکن تعاون فرمائیں اورمجلس کی طرف سے شائع ہونے والی کُتُب کا خود بھی مطالَعہ فرمائیں اور دوسروں کو بھی اِس کی ترغیب دلائیں ۔

  اللہ  عَزَّ وَجَلَّ ’’دعوتِ اسلامی‘‘ کی تمام مجالس بَشُمُول’’ المد ینۃ العلمیۃ ‘‘  کو دن گیارہویں اور رات بارہویں ترقّی عطا فرمائے اور ہمارے ہر عملِ خیر کو زیورِ اخلاص سے آراستہ فرماکر دونو ں جہاں کی بھلائی کا سبب بنائے۔ہمیں زیرِ گنبدِ خضرأ شہادت، جنّت البقیع میں مدفن اور جنّت الفردوس میں جگہ نصیب فرمائے ۔

اٰمِیْن بِجَاہِ النَّبِیِّ الْاَمِیْن صَلَّی   اللہ  تَعَالٰی عَلَیْہِ وَاٰلہٖ وَسَلَّم

رمضان المبارک ۱۴۲۵ھ

پیش لفظ

اچھے ماحول کی افادیت واہمیت اوربرے ماحول کی شناعت وقباحت ہر ذی شعور پرو اضح ہے، لیکن بد قسمتی سے فی زمانہ اچھے ماحول کو پہچان کر اسے اختیار کرنے اور برے ماحول کو جان کر اس سے بچنے کی طرف ہماری بالکل توجہ نہیں، بلکہ حقیقت تو یہ ہے کہ اچھے ماحول کی معرفت ہی کا فقدان ہے ، اور جب معرفت نہ ہوگی تو اچھے ماحول سے استفادہ اوربرے ماحول سے اجتناب کیونکر ہو سکے گا