اللہ عَزَّوَجَلَّسے  دنیاکی دشمنی ان معنوں   میں   ہے  کہ یہ اس کے  بندوں   کو اس کے  راستے  پرچلنے  نہیں  دیتی ۔ اسی وجہ سے  اللہ عَزَّوَجَلَّنے  جب سے  اسے  تخلیق فرمایا ہے  اب تک اس کی طرف نظرنہیں   فرمائی ۔ اللہ عَزَّوَجَلَّ کے  دوستوں  کی دُشمن اس طرح ہے  کہ ان کے  سامنے  سج دھج کے  آتی اوراپنا بناؤسنگاران پرظاہرکرتی ہے  جس کی وجہ سے  انہیں   اس کوچھوڑنے  کے  لئے  صبر کا کڑواگھونٹ پیناپڑتاہے  ۔  اور اللہ عَزَّوَجَلَّ کے  دُشمنوں   کی دُشمن ان معنوں   میں   ہے  کہ انہیں  اپنے  مکرو فریب اور چال بازیوں  سے  اپنے  جال میں   جکڑلیتی ہے  یہاں   تک کہ وہ اس پر بھروسہ اور اِعتماد کر بیٹھتے  ہیں   ۔ پھرانہیں   پہلے  سے  زیادہ اپنا محتاج بناڈالتی ہے  تووہ دُنیاپر حسرت کرتے  ہیں  ، ان کے  جگرپاش پاش ہوجاتے  ہیں  پھرہمیشہ کے  لئے  سعادت مندی سے  محروم ہوجاتے  ہیں  وہ دُنیاکی فریب کاریوں   اورخرابیوں   سے  بچنے  کیلئے  مدد طلب کرتے  ہیں  لیکن انکی مدد نہیں   کی جاتی بلکہ ان سے  کہا جاتا ہے :

قَالَ اخْسَــٴُـوْا فِیْهَا وَ لَا تُكَلِّمُوْنِ(۱۰۸)

ترجمۂ کنزالایمان:رب فرمائے  گا دُھتکارے  (خائب وخاسر) پڑے  رہو اس میں   اور مجھ سے  بات نہ کرو  ۔

اُولٰٓىٕكَ الَّذِیْنَ اشْتَرَوُا الْحَیٰوةَ الدُّنْیَا بِالْاٰخِرَةِ٘-فَلَا یُخَفَّفُ عَنْهُمُ الْعَذَابُ وَ لَا هُمْ یُنْصَرُوْنَ۠(۸۶) (پ۱، البقرۃ:۸۶)

ترجمۂ کنزالایمان:یہ ہیں   وہ لوگ جنہوں   نے  آخرت کے  بدلے  دنیاکی زندگی مول لی تو نہ ان پر سے  عذاب ہلکاہواور نہ ان کی مدد کی جائے  ۔  ^([1])

حاصلِ کلام:

            دُنیاکی مذمت میں   آیات، اَحادیث اوراَقوال بے  شمارہیں  تاہم جن کی طرف ہم نے  اشارہ کردیاہے  وہ اس میں   کافی ثابت ہوں   گے  ۔ ان میں   عبرت حاصل کرنے  والوں   کے  لئے  عبرت اورنصیحت ماننے  والوں   کے  لئے  نصیحت ہے  ۔

وَ مَا یَتَذَكَّرُ اِلَّا مَنْ یُّنِیْبُ(۱۳) (پ۲۴، المؤمن :۱۳)

ترجمۂ کنزالایمان:اورنصیحت نہیں  مانتا مگر جو رجوع  لائے  ۔

٭٭٭٭٭٭٭

فَرَامِیْنِ سیِّدُ ناعِیْسٰی

            ہم اس خاتمہ کے  آخرمیں  دُنیاکی مذمت اوراس کی حقیقت کے  بارے  میں   زاہدوں   کے  سرداراوران پراللہ  عَزَّوَجَلَّکی حجت حضرتِ سیِّدُناعیسیٰرُوْحُ اللّٰہ عَلٰی نَبِیِّنَاوَعَلَیْہِ الصَّلٰوۃُ وَالسَّلَام کے  فرامین بیان کرکے  اسے  مکمل کرتے  ہیں   ۔ چنانچہ،

دُنیاایک پل ہے :

{1}…حضرتِ سیِّدُنا عیسیٰ رُوْحُ اللّٰہ عَلٰی نَبِیِّنَاوَعَلَیْہِ الصَّلٰوۃُ وَالسَّلَامنے  اِرشاد فرمایا:’’ دُنیاایک پُل ہے ، اسے  عبورکرواس کی آباد کاری میں   نہ لگو^([2]) ۔ ‘‘^([3])

سب سے  بڑی نیکی:

{2}…آپعَلَیْہِ الصَّلٰوۃُ وَالسَّلَامفرماتے  ہیں  : ’’اے  دُنیا کے  طلبگار!تودُنیا اس لئے  حاصل کرتاہے  کہ اس کے  ذریعے  نیکی کرے  گاتو (سن!)تیرااسے  چھوڑ دینا ہی سب سے  بڑی نیکی ہے  ۔ ‘‘^([4])

آگ اورپانی:

{3}…آپ عَلَیْہِ السَّلَامفرماتے  ہیں  :’’جیسے  آگ اورپانی ایک برتن میں   جمع نہیں   ہوسکتے  ایسے  ہی کسی مومن کے  دِل میں   دُنیا و آخرت کی محبت جمع نہیں   ہوسکتی   ۔ ‘‘^([5])

ایک سچاوعدہ:

{4}…آپ عَلَیْہِ السَّلَامنے  ارشاد فرمایا: ’’دُنیاموجودہ سامان ہے  جس سے  نیک وبدسب کھاتے  ہیں  اورآخرت سچاوعدہ ہے  جس میں   قدر ت والا بادشاہ فیصلہ فرمائے