(۲)…جب دُنیاکسی سے  پیٹھ پھیرتی ہے  تواس پرحسرت طاری ہوجاتی ہے  اور سامنے  آتی ہے  تواس کے  غموں   میں   اِضافہ ہوجاتاہے  ۔   ^([1])

دُنیاکی قیمت:

            ایک دفعہ خلیفہ ہارون الرشیدعَلَیْہِ رَحْمَۃُ اللّٰہِ الْمَجِیْدنے  پانی مانگاتوپانی پیش کیاگیا، اس وقت دربارمیں   حضرتِ سیِّدُناابن سمّاک عَلَیْہِ رَحْمَۃُ اللّٰہِ الرَّزَّاق بھی موجودتھے ، انہوں   نے  فرمایا:’’(اے  خلیفہ)اگر آپ کوپانی نہ ملے  توکیاآپ اسے  اپنی ساری بادشاہت کے  عوض خریدنے  پرتیارہوجائیں   گے ؟‘‘خلیفہ نے  کہا:’’جی ہاں  !‘‘ حضرتِ سیِّدُناابن سَمَّاک عَلَیْہِ رَحْمَۃُ اللّٰہِ الرَّزَّاق نے  فرمایا:’’تف ہے  ایسی دُنیا پرجس کی قیمت ایک گلاس پانی ہو ۔ ‘‘^([2])

دودروازوں   والامکان:

            منقول ہے ، ایک لمبی عمرپانے  والے  شخص سے  کہاگیاکہ’’ہمارے  سامنے  دُنیاکے  اَوصاف بیان کرو!‘‘اس نے  کہا:’’دُنیاایک ایسامکان ہے  جس کے  دو دروازے  ہیں  ، میں   ایک دروازے  سے  اندرداخل ہوا اوردوسرے  سے  باہرنکل آیا ۔ میں   نے  تنگدستی کے  سال بھی دیکھے  اورفراخی کے  بھی ۔ پیدا ہونے  والے  پیدا ہوئے  اور مرنے  والے  مرے  ۔ اور اگرپیداہونے  والے  پیداہی نہ ہوتے  تو مخلوق نہ ہوتی اور اگرمرنے  والے  نہ مرتے  تو دُنیا میں   کوئی گنجائش نہ رہتی ۔ ‘‘^([3])

ویران اور آباددل:

            ایک داناکاقول ہے  کہ’’دُنیاویران اورخراب گھرہے  اوراس سے  زیادہ خراب وہ دِل ہے  جواس کی تعمیرکرتاہے  اورآخرت آبادگھرہے  اوراس سے  بھی زیادہ آبادوہ دِل ہے  جواسے  طلب کرتاہے  ۔ ‘‘^([4])

دُنیاوآخرت کس کے  لئے  ہے :

            ایک داناشخص سے  پوچھاگیاکہ ’’دُنیاکس کے  لئے  ہے ؟‘‘اُنہوں   نے  فرمایا: ’’جو اسے  چھوڑ دے  ۔ ‘‘پوچھاگیا:’’آخرت کس کے  لئے  ہے ؟‘‘اُنہوں   نے  فرمایا: ’’جواسے  طلب کرے   ۔ ‘‘^([5])

دُنیاداروں   کاحال:

            کسی زاہدسے  پوچھا گیاکہ’’آپ نے  دُنیاکوکیساپایا؟‘‘فرمایا:’’جسم بوسیدہ ہوجاتے  اورامید یں   تازہ ہوجاتی ہیں  ، موت قریب آجاتی ہے  لیکن خواہشات دورچلی جاتی ہیں   ۔ ‘‘پوچھاگیا:’’دُنیاداروں  کاکیاحال ہے ؟‘‘فرمایا:’’جواسے  پا لیتا ہے  وہ تھک جاتاہے  اورجونہیں   پاتاوہ پریشان ہوجاتاہے  ۔ ‘‘^([6])

            اللہ عَزَّوَجَلَّ قائل کابھلاکرے  اس نے  کیاخوب کہا:

اَرَی الدُّنْیَالِمَنْ ہِیَ فِیْ یَدَیْہِ                                                                           عَذَابًاکُلَّمَاکَثُرَتْ عَلَیْہ

تُھِیْنُ الْمُکْرِمِیْنَ لَھَابِصُغْرٍ                                                                               وَتُکْرِمُ کُلَّ مَنْ ھَانَتْ عَلَیْہ

اِذَااِسْتَغْنَیْتَ عَنْ شَیْئٍ فَدَعْہُ                                                               وَخُذْمَااَنْتَ مُحْتَاجٌ اِلَیْہ

            ترجمہ:(۱)…میں   نے  دُنیاکودیکھاکہ جب بھی کسی کے  ہاتھوں   میں   زیادہ آئی تو اس کے  لئے  عذاب بن گئی ۔

            (۲)…جوشخص کسی معمولی چیزکے  لئے  دنیاکی عزت کرتاہے  یہ اسے  ذلیل ورُسوا کر دیتی ہے  اورجو اسے  ذلیل کرتاہے  یہ اس کی عزّت کرتی ہے  ۔

            (۳)…جس چیزکی تجھے  ضرورت نہ ہواسے  چھوڑدے  اورجس کی ضرورت پڑے  اسے  لے  لے  ۔ ^([7])

دُنیادُشمن ہے :

            حُجَّۃُ الْاِسْلَام حضرتِ سیِّدُنااما م محمدبن محمدغزالی عَلَیْہِ رَحْمَۃُ اللّٰہِ الْوَالِی ’’اِحْیَاءُ الْعُلُوْم‘‘ میں   فرماتے  ہیں:بے  شک دُنیااللہ عَزَّوَجَلَّ کی ، اس کے  دوستوں  کی اور اس کے  دُشمنوں   کی بھی دُشمن ہے  ۔

دُنیاکی دشمنی کامطلب: