کرتا ہوں   کہ اس کے  دل سے  مناجات کی لذت نکال دیتا ہوں   ۔ ‘‘ ^([1])

اے  دُنیاکڑوی ہوجا:

            حدیث قدسی میں   ہے  کہ اللہ عَزَّوَجَلَّ نے  دُنیاسے  ارشادفرمایا:’’اے  دُنیا! میرے  اَولیا کے  لئے  کڑوی ہوجا، انہیں   فتنے  میں   مبتلا کرنے  کے  لئے  میٹھی نہ بن ۔ ‘‘^([2])

سیِّدُ نا عَلِی رَضِیَ اللہُ تَعَالٰی عَنْہُکے  اَقْوَال

دوسوکنیں  :

{1}…امیرالمؤمنین حضرتِ سیِّدُنا علی المرتضیٰ کَرَّمَ اللّٰہُ تَعَالٰی وَجْہَہُ الْکَرِیْم فرماتے  ہیں  :’’دُنیاوآخرت کی مثال مشرق ومغرب جیسی ہے ، توان میں   سے  کسی ایک سے  جتناقریب ہوگا دوسری سے  اتناہی دورہوجائے  گا ۔ یاان کی مثال دو سوکنوں   جیسی ہے ، توان میں   سے  کسی ایک کوخوش کرے  گاتودوسری ناراض ہو جائے  گی ۔  یا ان کی مثال دوایسے  برتنوں  جیسی ہے  جن میں   سے  ایک بھراہواور دوسرا خالی، تُوخالی برتن کوجتنابھرے  گادوسرااتناہی خالی ہو جائے  گا ۔ ‘‘^([3])

دُنیامیں   چھ چیزیں   ہیں  :

{2}…امیرالمؤمنین حضرتِ سیِّدُنا علی المرتضیٰ کَرَّمَ اللّٰہُ تَعَالٰی وَجْہَہُ الْکَرِیْم فرماتے  ہیں  :’’میں  نے  دُنیامیں  چھ چیزیں  پائیں  :(۱)…کھانا، سب سے  بہترین کھاناشہدہے  اوروہ مکھی کالعاب ہے (۲)…مشروب، سب سے  بہترین مشروب پانی ہے  اوراس میں  نیک وبدبرابرہیں  (۳)…خوشبو، سب سے  اچھی خوشبوکستوری ہے  اوروہ ہرن کاخون ہے (۴) … لباس، سب سے  عمدہ لباس  ریشم ہے  اوروہ کیڑوں   کے  لعاب سے  بنتاہے (۵)… سواری، سب سے  اچھی سواری گھوڑا ہے  اوراس پرسوارہوکرلوگوں  کوقتل کیاجاتاہے  اور(۶)…بیوی، (جس سے  صحبت کی جاتی ہے )اوریہ پیشاب گاہ کاپیشاب گاہ میں   جاناہے  اورتیرے  لئے  اتنی بات ہی کافی ہے  کہ عورت اپنے  بدن کے  سب سے  اچھے  حصے  کوسنوارتی ہے  لیکن اس کے  سب سے  برے  مقام کی طلب ہوتی ہے  ۔ ‘‘^([4])

زَاہدین کے  لئے  خوشخبری:

{3}…امیرالمؤمنین حضرتِ سیِّدُنا علی المرتضیٰ کَرَّمَ اللّٰہُ تَعَالٰی وَجْہَہُ الْکَرِیْم فرماتے  ہیں  :’’دُنیاسے  بے  رغبتی اورآخرت میں   رغبت رکھنے  والوں   کے  لئے  خوشخبری ہے  ۔ یہ وہ لوگ ہیں  جنہوں   نے  زمین کوفرش بنالیا، مٹی کوبچھونا، پانی کوخوشبو بنایا، مناجات وتلاوتِ قرآن کواپنی پہچان اورشعاربنا لیااور انہوں   حضرتِ سیِّدُنا عیسیٰ رُوْحُ اللّٰہعَلٰی نَبِیِّنَاوَعَلَیْہِ الصَّلٰوۃُ وَالسَّلَامکے  راستے  پر چلتے  ہوئے  دُنیاسے  کنارہ کشی اختیارکرلی ۔ ‘‘^([5])

            اس مفہوم کے  چنداشعار:

                            اِنَّ لِلّٰہِ رِجَالًافُطُنَا                                                                                 طَلَّقُواالدُّنْیَاوَخَافُوْااَلفِتَنَا

نَظَرُوْافِیْھَافَلَمَّاعَلِمُوْا                                             اِنَّہَالَیْسَتْ لِحَیٍّ وَطَنَا

جَعَلُوْاھَالُجَّۃً وَاتَّخَذُوْا                                    صَالِحَ الْاَعْمَالِ فِیْھَاسُفُنَا

            ترجمہ:(۱)…بے  شک اللہ عَزَّوَجَلَّ کے  کچھ ایسے  بندے  بھی ہیں   جنہوں   نے  فتنے  سے  ڈرکردُنیا کو چھوڑدیا ۔

            (۲)…انہوں   نے  دُنیامیں   غوروفکرکیا، پھرجب یہ جان لیاکہ یہ زندہ لوگوں   کادیس نہیں   ہے  ۔

            (۳)…توانہوں   نے  دُنیا کوبھنورٹھہراکراس میں  اَعمالِ صالحہ کو سفینہ بنا لیا ۔  ^([6])

دُنیاخسیس ہے :

            حضرتِ سیِّدُناسعیدبن مسیبرَحْمَۃُ اللّٰہِ تَعَالٰی عَلَیْہ فرماتے  ہیں  : ’’دُنیا خسیس ہے  اورہرخسیس سے  مشابہت رکھتی ہے  اوراس سے  زیادہ خسیس وہ شخص ہے  جو اسے  بلاضرورت حاصل کرتاہے  ۔ ‘‘^([7])