’’ اللہُ اَکْبَرْ         اللہُ اَکْبَرْ  ‘‘یہ دوکلمات ہیں اسطرح پوری اذان میں ۱۵ کَلِمات ہیں ۔ اگرکوئی اسلامی بہن ایک اذان کاجواب دے یعنیمُؤَذِّنجو کہتاجائے اسلامی بہن بھی دوہراتی جائے تو اُس کو۱۵ لا کھ نیکیا ں ملیں گی، ۱۵ہزاردَرَجا ت بُلندہونگے اور ۱۵ہزار گناہ مُعاف ہو نگے اوراسلامی بھائیو ں کیلئے یہ سب دُگنا ہے۔ فجرکی اذان میں دومرتبہ اَلصَّلٰوۃُ خَیْرٌ مِّنَ النَّوْمِ ہے توفَجرکی اذان میں ۱۷ کلمات ہوئے اوریوں فَجرکی اذان کے جواب میں ۱۷لاکھنیکیاں ، ۱۷ہزار دَرَجات کی بُلندی اور۱۷ہزار گناہوں کی مُعافی ملی اور اسلا می بھائیوں کیلئے دُگنا۔ اِقامت میں دومرتبہ قَدْ قَامَتِ الصّلاۃُ بھی ہے یوں اِقامت میں بھی۱۷ کلمات ہوئے تواِقامت کے جوا ب کا ثواب بھی فجرکی اذان کے جواب جتناہوا۔ الحاصِل اگرکوئی اسلامی بہن اِہتِمام کیساتھ روزانہ پانچوں نَمازوں کی اذانوں اور پانچوں اِقامَتوں کا جواب دینے میں کامیاب ہوجائے تواُسے روزانہ ایک کروڑباسٹھ لاکھ نیکیاں ملیں گی، ایک لاکھ باسٹھ ہزاردَرَجات بُلندہونگے اور ایک لاکھ باسٹھ ہزارگناہ مُعاف ہونگے اوراسلامی بھائی کو دُگنا یعنی 3 کروڑ 24لاکھ نیکیاں ملیں گی، 3لاکھ24ہزاردَرَجات بُلندہونگے اور 3 لا کھ  24 ہزار گناہ مُعاف ہونگے۔

اذان کا جواب دینے والا جنّتی ہوگیا

       حضرت سیِّدُناابوہریرہ رَضِیَ اللہُ تَعَالٰی عَنْہُ فرماتے ہیں کہ ایک صاحب جن کا بظاہِرکوئی بَہُت بڑا نیک عمل نہ تھا ، وہ فوت ہوگئے تو رَّسُوْلُ اللہِ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے صحابۂ کرام عَلَيهِمُ الّرِضْوَان کی موجودَگی میں فرمایا : کیا تمہیں معلوم ہے کہ اللّٰہ   تَعَالٰی نے اسے جنّت میں داخل کردیا ہے۔اس پرلوگ مُتَعَجِّب ہوئے کیونکہ بظاہران کا کوئی بڑاعمل نہ تھا۔ چُنانچِہ ایک صَحابی رَضِیَ اللہُ تَعَالٰی عَنْہُ    اُن کے گھرگئے اوران کی بیوہ رَضِیَ اللہُ تَعَالٰی عَنْہَا  سے پوچھا کہ اُن کا کوئی خاص عمل ہمیں بتائیے؟اُنہوں نے جواب دیا : اورتوکوئی خاص بڑاعمل مجھے معلوم نہیں ، صِرْف اتنا جانتی ہوں کہ دن ہویا رات ، جب بھی وہ اذان سنتے توجواب ضَروردیتے تھے ۔      (تاریخ دِمشق لابن عَساکِر، ج۴۰، ص۴۱۲، ۴۱۳ ملخّصاً )

اللّٰہ عَزَّوَجَلَّ ّکی اُن پررَحمت ہو اور اُن کے صَدْ قے ہماری مغفرت ہو۔

گُناہِ گداکاحساب کیاوہ اگرچِہ لاکھ سے ہیں سِوا

مگراے عَفُوّتِرے عَفْوکاتوحِساب ہے نہ شُمارہے

صَلُّوا عَلَی الْحَبِیب !       صلَّی اللّٰہُ  تَعَالٰی علیٰ محمَّد

اذان واِقامت کے جواب کا طریقہ

مُؤَذِّنصاحِب کوچاہئے کہ اَذان کے کلمات ٹھہرٹھہرکرکہیں ۔ اللہُ اَکْبَرْ   اللہُ اَکْبَرْ    دونوں مل کر( بِغیر سَکْتہ کئے ایک ساتھ پڑھنے کے اِعتبارسے)ایک کَلِمہ ہیں دونوں کے بعدسَکْتہ کرے(یعنی چُپ ہوجائے)اورسَکْتہ کی مِقداریہ ہے کہ جواب دینے والا جواب دے لے، سَکْتہ کاتَرْک مکروہ ہے اورایسی اذان کااعادہ مُستَحَب ہے۔ (دُرِّمُختار ورَدُّالْمُحتار ج۲ص۶۶)جواب دینے والے کو چاہئے کہ جب مُؤَذِّن صاحِب اللہُ اَکْبَرْ  اللہُ اَکْبَرْ  کہہ کر سَکْتہ کریں (یعنی خاموش ہوں )اُس وَقْتاللہُ اَکْبَرْ  اللہُ اَکْبَرْ کہے ۔ اِسی طرح دیگرکَلِمات کاجواب دے۔جب مُؤَذِّن پہلی بار اَ شْہَدُ اَنَّ مُحَمَّدًا رَّسُولُ اللّٰہ کہے تو سننے والا یہ کہے : صَلَّی اللّٰہُ عَلَیْکَ یَارَسُوْلَ اللّٰہ ترجمہ :  آپ پر دُرُود ہویارسولَ ا    للّٰہ(صَلَّی اللہُ تَعَالٰی عَلَیْہِ وَاٰلِہٖ وَسَلَّمَ ) (رَدُّالْمُحتار، ج۲، ص۸۴)

  جب دوبارہ کہے تو سننے والا یہ کہے :

قُرَّۃُ عَیْنیْ بِکَ یارَسُولَ اللہ

یَارَسُوْلَ اللّٰہ !آپ سے میری آنکھوں کی ٹھنڈک ہے

 اور ہربار انگوٹھوں کے ناخن آنکھوں سے لگائے، آخِرمیں کہے :

اللّٰھُمَّ  مَتِّعْنِیِْ بِا لسَّمْعِ والْبَصَرِ   (اَیْضاً)

اے اللّٰہ عَزَّ وَجَلَّ  ! میری سننے اور دیکھنے کی قُوّت سے مجھے نفع عطافرما ۔

        جو ایسا کرے سرکارِمدینہصَلَّی اللہُ تَعَالٰی عَلَیْہِ وَاٰلِہٖ وَسَلَّمَ اسے اپنے پیچھے پیچھے جنّت میں لے جائیں گے۔ (اَیْضاً)

حَیَّ عَلَیالصَّلٰوۃاورحَیَّ عَلَی الْفَلَاحکے جواب میں (چاروں بار) لَاحَوْلَ وَلَاقُوَّۃَ اِلَّا بِاللّٰہکہے اوربہتریہ ہے کہ دونوں کہے(یعنیمُؤَذِّننے جوکہاوہ بھی کہے اورلَاحَوْل  بھی)بلکہ مزیدیہ بھی مِلالے :

مَاشَاءَ اللّٰہُ کَانَ وَمَالَمْ یَشَأْلَمْ یَکُنْ

                                                                                                                                                                                                ترجَمہ :  جواللّٰہ  عَزَّوَجَلَّنے چاہاہوا، جو نہیں چاہا نہ ہوا    (دُرِّمُختار ورَدُّالْمُحتار ج۲ص۸۲، عالمگیری ج۱ص۵۷)   

اَلصَّلٰوۃُ خَیْرٌ مِّنَ النَّوْمِ کے جواب میں کہے :     

صَدَقْتَ وَبَرَرْتَ وَبِالْحَقِّ نَطَقْتَ

                                                                            ترجَمہ : تُوسچّا اورنیکوکارہے اورتُونے حق کہا ہے ۔   (دُرِّمُختار ورَدُّالْمُحتار ج۲ص۸۳)  

        اِقامت کاجواب مُسْتَحَبہے۔ اس کاجواب بھی اسی طرح ہے فرق اتنا ہے کہ قَدْ قَامَتِ الصّلاۃُ کے جواب میں کہے :

اَقاَمَھَا اللہُ وَاَدَامَھَا مَا دَامَتِ السَّمٰوٰتُ وَالَارْضُ

ترجَمہ :  اللّٰہ عَزَّ وَجَلَّ  اس کو قائم رکھے جب تک آسما ن اورزمین ہیں ۔  (بہارِ شریعت ج۱ص۴۷۳، عالَمگیری ج۱ ص۵۷)