(۳) جنتی نمازیں قضاء ہوئی ہیں ، بالغ ہونے کے وقت سے سب کا ایسا حساب لگائیں کہ تخمینے میں کوئی نماز نہ رہ جائے، زیادہ ہوجائیں تو حرج نہیں اور وہ سب بقدرِ طاقت رفتہ رفتہ بہت جلد ادا کریں کاہلی نہ کریں کہ موت کا وقت معلوم نہیں اور جب تک فرض ذمہ پر باقی ہوتا ہے کوئی نفل قبول نہیں ہوتا۔جب چند نمازیں قضا ہوں مثلاً سو بار کی فجر قضا ہے تو ہر بار یوں نیت کریں کہ سب میں پہلی وہ فجر جو مجھ سے قضا ہوئی، یعنی جب ایک ادا ہوئی تو باقیوں میں سب سے پہلی ہے میں وہ پڑھ رہا ہوں اسی طرح ظہر و عصر وغیرہ ہر نماز میں نیت کریں ، فقط فرض و وتر یعنی ہر دن کی ۲۰ رکعتیں قضا میں پڑھی جائیں گی۔ سنتوں اور نفلوں کی قضا ضروری نہیں ۔

(۴) جتنے روزے بھی قضا ہوئے ہوں دوسرا رمضان آنے سے پہلے اد ا کرلیے جائیں ، کیونکہ جب تک پچھلے رمضان کے روزوں کی قضا نہ کرلی جائے اگلے روزے قبول نہیں ہوتے۔

(۵) جو صاحبِ مال ہیں وہ زکوۃ بھی دیں ، جتنے برسوں کی نہ دی ہو فوراً حساب لگا کر اداکریں ، ہر سال کی زکوۃ سال تمام ہونے سے پہلے دے دیا کریں سال تمام ہونے کے بعد دیر لگانا گناہ ہے لہذا شروع سال سے رفتہ رفتہ دیتے رہیں ۔ سال تمام ہونے پر حساب کریں ، اگر ادا ہوچکی تو بہتر ورنہ جتنی باقی ہو فوراً دے دیں اور اگر کچھ زیادہ نکل گیا ہے تو آئندہ سال میں مُجرا کرلیں ۔   

(۶) صاحبِ استطاعت پر حج بھی فرض ہے  اللہ   تَعَالٰی نے اس کی فرضیت بیان کرکے فرمایا کہ

وَ مَنْ كَفَرَ فَاِنَّ اللّٰهَ غَنِیٌّ عَنِ الْعٰلَمِیْنَ(۹۷)^([1])      

یعنی جو کفر کرے تو  اللہ  سارے جہان سے بے پرواہے۔

         نبی کریم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  نے حج چھوڑ دینے والے کو فرمایا ہے کہ چاہے یہودی ہو کر مرے یا نصرانی ہو کر۔ والعیاذ ب اللہ  تعالیٰ

(۷)کذب، فحش، چغلی ، غیبت، زنا، لواطت، ظلم، خیانت ، بدکاری اور تکبر وغیرہ ہر گناہ اور ہر بری خصلت سے بچیں جو ان باتوں کا عامل رہے گا۔  اللہ  و رسول کے وعدے سے اس کے لیے جنت ہے۔  جل جلا لہ وصلی اللّٰہ  تَعَالٰی  علیہ وعلی الہ واصحابہ وسلم

دل باغ باغ ہو جاتا ہے

       حضرت ابو ہریرہ  رَضِیَ اللہُ تَعَالٰی عَنْہُ   فرماتے ہیں میں نے عرض کی یارسول  اللہ   عَزَّ وَجَلَّ و صلی  اللہ   تَعَالٰی علیہ وسلم  جب میں آپ کو دیکھتا ہوں تو میرا دل باغ باغ ہو جاتا ہے اور آنکھیں ٹھنڈی ہو تی ہیں ، (آقا) مجھے ہر چیز کی معلومات عطا فرمادیجئے!ارشادہوا ’’ہر شے پانی سے بنی ہے ۔‘‘ میں نے عرض کی اس چیز پر مطلع فرمادیجئے جسے اپنا کر میں جنت کو پاسکوں ، فرمایا’’ کھانا کھلاوء    اور سلام کو پھیلاوء    اور صلہء   رحمی کرو اور رات میں (نفلی) نماز پڑھو جب لوگ سوئے ہوں ، تم سلامتی سے داخل جنت ہو جاو گے۔‘‘           (مسند امام احمد، الحدیث۷۹۱۹، ج۳، ص۱۷۴)   

مآخذ ومراجع

نام کتاب                                                      مصنف/مؤلف                                          مطبوعہ

التفسیر الکبیر                                                  امام فخر الدین الرازی ۶۰۶ھ                               داراحیاء التراث العربی بیروت

 صحیح البخاری                                               امام محمد بن اسماعیل بخاری ۲۵۶ھ                   دار الکتب العلمیۃ بیروت

صحیح مسلم                                                   امام ابو الحسین مسلم بن حجاج  ۲۶۱ھ                    دار ابن حزم بیروت

سنن الترمذی                                                  امام ابو عیسی محمد بن عیسی الترمذی ۲۷۹ھ           دار الفکر بیروت

سنن ابی داود                                                     امام ابو داود سلیمان بن اشعث ۲۷۵ھ                    داراحیاء التراث العربی بیروت

سنن الدارمی                                                   امام عبداللّٰہ بن عبدالرحمن الدارمی ۲۵۵ھ             باب المدینہ کراچی

مشکاۃ المصابیح                                              شیخ ابو عبداللّٰہ محمد بن عبداللّٰہ ۷۴۱ ھ                   دار الکتب العلمیۃ بیروت

شرح صحیح مسلم                                             ابوذکریا یحییٰ بن شرف نواوی ۶۷۶ھ                     افغانستان

الھدا یۃ                                                          ابوالحسن علی بن ابی بکر المرغینانی ۵۹۳ ھ               داراحیاء التراث العربی بیروت

احیاء علوم الدین                                             ابو حامدمحمد بن محمد الغزالی ۵۰۵ھ                  دار صادر بیروت

اتحاف السادۃ المتقین                                       سید محمد بن محمد الحسینی الزبیدی ۱۲۰۵ھ        دار الکتب العلمیۃ بیروت

تذکرۃ الاولیاء                                                 شیخ فرید الدین عطار نیشاپوری                            انتشارات گنجینہ تہران

اخبار الاخیار                                                   شیخ عبدا لحق محدث دہلوی ۱۰۵۲ھ                   ضلع خیرپور

تاریخ الخلفاء                                                 امام جلال الدین عبدالرحمن السیوطی ۹۱۱ھ             باب المدینہ کراچی

اسد الغابۃ                                                      ابو الحسن علی بن محمدالجزری ۶۳۰ھ                  داراحیاء التراث العربی بیروت

مدارج النبوت                                                 شیخ عبدالحق محدث دہلوی ۱۰۵۲ھ                    مرکز ا ہلسنت برکات رضا ہند

شرح الزرقانی علی المواہب                                     محمد بن عبدالباقی الزرقانی ۱۱۲۲ھ                        دار الکتب العلمیۃ بیروت

الطبقات الکبری                                               ابو المواہب عبدالوہاب بن احمد الشعرانی۹۷۳ھ          دار الفکر بیروت

بستان المحدثین                                             شاہ عبدالعزیز محدث دہلوی ۱۲۳۹ھ                     باب المدینہ کراچی

تذکرۃ الحفاظ                                                  امام شمس الدین محمد بن احمد الذہبی ۷۴۸ھ       دار الکتب العلمیۃ بیروت

تاریخ بغداد                                                   امام ابوبکر احمد الخطیب البغدادی ۴۶۳ھ               دار الکتب العلمیۃ بیروت

تھذیب التھذیب                                              احمد بن علی بن حجر العسقلانی ۸۵۲ ھ                      دار الفکر بیروت