30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Aag Lagne Ke Waqiaat Se Bachne Ki Ihtiyatain | آگ لگنے کے واقعات سے بچنے کی احتیاطیں
آگ لگنے کے واقعات سے بچنے کی احتیاطیں
کتاب میں نتائج:
جواب:جی ہاں سرکار صَلَّی اللّٰہُ عَلَیْہِ وَاٰلہٖ وَسَلَّم خوش ہوں گے اور انہیں پتا بھی چلتا ہے۔ اَنبیائے کِرام عَلَیْہِمُ الصَّلٰوۃُ وَالسَّلَام کی شان تو بہت بلند ہے ، ماں باپ جب فوت ہو جاتے ہیں انہیں بھی پتا چلتا ہے جیسا کہ دو عالَم کے مالِک و مختار ، مکی مَدَنی سرکار صَلَّی اللّٰہُ عَلَیْہِ وَاٰلہٖ وَسَلَّم نے اِرشاد فرمایا : پیر اور جمعرات کو اللہپاک کے حضور اَعمال پیش ہوتے ہیں اور اَنبیائے کِرام عَلَیْہِمُ الصَّلٰوۃُ وَالسَّلَام اور ماں باپ کے سامنے ہر جمعہ کو ، وہ نیکیوں پر خوش ہوتے اور ان کے چہروں کی صفائی اور تابش( یعنی چمک دَمک)بڑھ جاتی ہےتو اللہ پاک سے ڈرو اور اپنے وفات پانے والوں کو اپنے گناہوں سے رَنج نہ پہنچاؤ۔ ([1]) کتنی بَدنصیب ہے وہ اَولاد جو گناہ کر کے مَرنے کے بعد اپنے ماں باپ کو قبر میں رَنجیدہ (یعنی غمگین)کرتی ہے ، اللہ پاک ہمیں اس سے بچائے اور ماں باپ کو خوش کرنے والا بنائے۔ کتنے بَدنصیب ہیں وہ بیٹا اور بیٹی جن کے ماں باپ فوت ہو گئے اور وہ نماز نہیں پڑھتے ، گناہ کرتے ، گالیاں بکتے ، فیشن کے ذَریعے بےپَردگی کرتے اور فلمیں ڈرامے دیکھتے ہیں۔ وہ کیسی بَدنصیب مسلمان اَولاد ہے کہ جس نے زندگی میں تو اپنے ماں باپ کو کیا چین دیا ہو گا مَرنے کے بعد بھی بے چاروں کو چین نہیں دے پاتی ۔ آج میلادِ مصطفےٰ کا جَشن ہے اور حضرتِ سَیِّدُنا امام حسن رَضِیَ اللّٰہُ عَنْہُ کی شَبِ عُرس ہے لہٰذا سب کے سب نمازی بن جائیں اور پکی نیت کریں کہ اگر جان کل جاتی ہو تو آج چلی جائے مگر ہماری کبھی بھی ، کوئی بھی نماز نہ جانے پائے۔ اگر آپ کی نمازیں قضا ہو گئی ہو ں تو ان کا حساب لگا کر قضائے عمری بھی کریں اور توبہ بھی کریں بلکہ آج سے ہر گناہ سے پکی توبہ کریں اور سنتوں بھری اور نیکیوں بھری زندگی شروع کر دیں تاکہ ہم دُنیا سے اِس حال میں رُخصت ہوں کہ اللہ پاک اور اس کے رَسُول صَلَّی اللّٰہُ عَلَیْہِ وَاٰلہٖ وَسَلَّم ہم سے راضی ہوں۔
بہرحال سرکار صَلَّی اللّٰہُ عَلَیْہِ وَاٰلہٖ وَسَلَّم کو پتا چلتا ہے یہاں تک کہ بزرگانِ دِین رَحْمَۃُ اللّٰہِ عَلَیْہِم نے یہ حکایت نقل کی ہے کہ ایک عالِم صاحب نے سرکار صَلَّی اللّٰہُ عَلَیْہِ وَاٰلہٖ وَسَلَّم کی خواب میں زیارت کی تو عرض کیا : یَارَسُوْلَ اللہ صَلَّی اللّٰہُ عَلَیْہِ وَاٰلہٖ وَسَلَّم کیا آپ جَشنِ وِلادت مَنانے والوں سے خوش ہوتے ہیں؟ اِرشاد فرمایا : جو ہم سے خوش ہوتے ہیں ہم بھی ان سے خوش ہوتے ہیں۔ ([2])اَلْحَمْدُ لِلّٰہ ثُمَّ اَلْحَمْدُ لِلّٰہ ، وَاللہ ، بِاللہ ، تَاللہ (یعنی اللہ پاک کی قسم) ہم جَشنِ وِلادت سے خوش ہوتے ہیں ۔
کتاب کا موضوع
کتاب کا موضوع
- آگ لگنے کے واقعات سے بچنے کی اِحتیاطیں
- دُرُود شریف کی فضیلت
- آگ سے جلنے سے حفاظت کا وَظیفہ
- کیا چراغاں کرنے سے آقا صَلَّی اللّٰہُ عَلَیْہِ وَاٰلہٖ وَسَلَّم خوش ہوتے ہیں؟
- کیا عورتیں گھروں میں میلاد منا سکتی ہیں؟
- جُلوس نکالنے کے بارے میں دعوتِ اسلامی کی پالیسی
- کیا جَشنِ وِلادت مَنانے پر چھوٹے بچوں کو بھی ثواب ملے گا ؟
- آتش بازی کر کے جَشنِ وِلادت منانا کیسا؟
- کیا عورتیں گھر کی چھتوں پر جلوس نکال سکتی ہیں؟
- منہ بولی بہن کے ساتھ سگی بہنوں کی طرح اُٹھنا بیٹھنا کیسا ؟
- برین ٹیومر سے بچنے کا وَظیفہ
- مسجد کے اِمام کو پیش امام کیوں کہتے ہیں؟
- پیشانی چُھپا کر نما ز پڑھنے کا شرعی حکم
- نیت کب تک باقی رہتی ہے؟
- رَقم دیتے وقت زکوٰۃ کی نیت نہیں کی تھی بعد میں یاد آیا تو اب کیا کرے؟
- نماز کے وقت میں سفر ختم ہوا نماز قصر پڑھیں یا پوری؟
- 12 رَبیع الاول کی شَب کے نوافل
- کیا چشمہ پہن کر نماز پڑھنا دُرُست ہے؟
- کیا داڑھی کا زمین پر لگنا بےاَدبی ہے؟
- نعلینِ پاک لگانا کہاں سے ثابت ہے ؟
- کفن سِلا ہوا ہونا چاہیے یا بغیر سِلا ہوا؟
- دوسروں تک نیکی کی دعوت پہنچانےمیں سُستی ہونے کی وجہ
- اللہ پاک کو ”وارث“ کہنا کیسا؟
- بھینس،گائے اور بھیڑ کا دودھ مِلاکر بیچناکیسا؟
- نعت خواں اور نَذرانہ
- کیا صحابۂ کِرام کو نعت خوا ں کہہ سکتے ہیں؟
- ہزار صحابہ کے کھانا تناول فر ما لینے کے بعد بھی کھانا اتنا ہی بچارہا
- کھانے کی چیزیں لنگرمیں لٹانے کا حکم
- پہلے فرض حج ادا کرے یا بیٹی کی شادی؟
- زیادہ نیند آتی ہو تو کیا علاج کریں؟
- کیا گنبدِ خضرا کا سایہ ہے؟
- ماخَذ و مَراجع
