مجھ سے بدکار سے اس گناہ گار سے         

                                                                رہنا راضی سدا میرے  مرشد  پیا            

آخری وقت ہے اور بڑا سخت ہے                          

میرا  ایماں  بچا  میرے   مرشد  پیا                                                         

                                                                اِک عجب تھا مزا جب یہ تیرا گدا         

                                                                تیری جانب چلا میرے  مرشد  پیا                

(’’۲۱مناقبِ عطّار‘‘    ص ۷ ،  مطبوعہ مکتبۃ المدینہ )   

مَدَنی مشورہ

   جو اسلامی بہن یا اسلامی بھائی یہ چاہتے ہیں کہ استقامت کے ساتھ ہمارے شب و روز تصور مرشِد کی برکتوں سے معمور رہیں ۔ تو پچھلے صفحہ پر دئیے گئے منقبت کے 26اشعار یاد کر لیں اور وقتِ مقررہ پر روزانہ کچھ دیر تصورِ مرشِد کرتے ہوئے ان اشعار کے ذریعے بارگاہِ مرشِد میں استغاثہ پیش کریں اس کی عادت بنانے کیلئے اِبتَداء میں پہلے ہفتے روزانہ کم از کم ایک منٹ تصور کریں ، پھردوسرے ہفتے د و منٹ اور اس طرح وقت بڑھاتے چلے جائیں ۔ تاکہ نفس پر گِراں بھی نہ گزرے اور تصورِ مرشِد کی کوشش بھی شروع کی جاسکے۔

 ان شاء اللّٰہ   عَزَّ وَجَلَّ  بہت جلد تصور مرشِد کی برکتیں ظاہر ہونا شروع ہونگی اور    ان شاء اللّٰہ   عَزَّ وَجَلَّ  ہم یہ خیال جمانے میں کامیاب ہوجائیں گے کہ اللّٰہ   عَزَّ وَجَلَّ  ہمیں  د یکھ رہا ہے۔   

شَجَرہ شریف پڑھنے کے فوائد اور بَرَکتیں

    عاشقِ اعلیٰ حضرت ، امیرِ اَہلسنّت با نیِ دعوتِ اسلامی، حضرت علامہ مولانا ابو بلال  محمد الیاس عطّارقادِری رَضَوی ضیائی دَامَتْ بَرَکاتُہُمُ الْعَا لِیَہاپنے رسالے ضیائے دُرُودوسلام میں فرمانِ مصطفی    صَلَّی اللہ  تَعَالٰی عَلَیْہِ وَاٰلہٖ وَسَلَّم  نقْل فرماتے ہیں ، ’’بے شک تمہارے نام بمع شناخْتْ مجھ پر پیش کیے جاتے ہیں لہٰذا مجھ پر  اَ حْسَن (یعنی خوبصورت الفاظ میں )دُرُودِپاک پڑھو۔

                                                                                                                                                                                                                                                                                                                                                                                                          (مصنف عبد الرزاق ج۲ص۲۱۴ رقم الحدیث ۳۱۱۱ مطبوعہ ادارۃ القرآن کراچی)

صَلُّوا عَلَی الْحَبِیْب!          صَلَّی  اللہ  تَعَالٰی عَلٰی مُحَمَّد

اَوراد و وظائف

           حضرت عبدالقادر عیسٰی شاذلی علیہ الرحمۃ  فرماتے ہیں ! کہ" ورد "  مفرد ہے۔ جو مقررہ وظیفے کو کہتے ہیں ۔ اس کی جمع  ’’اَوراد ‘‘ ہے۔ مریدین کو بعدِ نمازِ فجر   ( یا مختلف اوقات میں )  جن  اَورادوو ظائف کے پڑھنے کی مشائخ کرام تلقین کرتے ہیں ,وہ اہلِ طریقت کے نزدیک، اَوراد و وــظائف کہلاتے ہیں ۔ لُغْت میں  ’’اَوراد ‘‘کے معنی) آنے والا) ہے۔ مشائخ کرام کی اصطلاح میں قلب پرانوارِ الٰہی   عَزَّ وَجَلَّ  کے نزول کو’’ وارِد‘‘  کہتے ہیں ۔ جس کے سبب قلوب متحرّک ہوتے ہیں ۔(حقائق عن التصوف ، الباب الثانی ، الذکر ، ورد الصوفیۃ ودلیلہ من الکتاب والسنۃ، ص ۲۳۳)

     مشائخ کرام نے راہ طریقت اختیار کرنے والوں کو بڑی سختی سے ’’اَوراد ‘‘ وظائف کی پابندی کی تلقین کی ہے اور انہیں سستی یا فراغت کے انتظار  سے بڑا ڈرایا ہے۔ کیونکہ عمْر جلد ختْم ہونے والی ہے اور دنیاوی مشاغل ختْم ہونے کی بجائے بڑھتے رہتے ہیں ۔عطاء  اللہ  علیہ الرحمۃ   فرماتے ہیں ! فراغت ملنے تک اعمال و" اَوراد" کو چھوڑنا شیطانی مکرو فریب ہے۔ (تَصَوُّف کے حقائق، ص۲۳۳)

شَجَرۂ عالیہ 

            مشائخِ کِرام کا یہ دستور رہا ہے! کہ وہ اپنے مرید ین و طالبین کو ایک شَجَرہ شریف بھی عطا فرما تے ہیں جس میں سلسلہ عالیہ کے تمام مشائخ کے نام اور  ضَروری وظائف اور مَخصوص ہدایات بھی ہوتی ہیں ۔

       شَجَرَہ شریف میں سلسلہ عالیہ کے مشائخ کے نام ، بالترتیب اس طرح لکھے ہوتے ہیں کہ سلسلہ نبیِ کریم رؤف الرحیم  صَلَّی اللہ  تَعَالٰی عَلَیْہِ وَاٰلہٖ وَسَلَّم  تک پہنچتا ہے۔ اس شَجَرَہ  عالیہ کو پڑھنے کی تلقین اس لئے بھی کی جاتی ہیں ۔ کہ جب کوئی  " شَجَرہ عالیہ" پڑھے گا۔ تو باربار اپنے مشائخِ کرام کے نام لینے کی برکت سے اِنْ شَآءَاللہ عَزَّ وَجَلَّ  نام بھی یاد ہونے کے ساتھ ہر بار ایصال ثواب کرنے کی بَرَکت سے اِنْ شَآءَاللہ عَزَّ وَجَلَّ  اولیاء کاملین کے فیوضات بھی حاصل ہونگے۔ (یہ طے شدہ اَمر ہے کہ اولِیاء کِرام اپنے چاہنے والوں اور ایصال ثواب بھیجنے والوں کو نفع دیتے ہیں )   

اعلٰیحضرت رضی  اللہ  عنہ کے عطا کردہ شَجَرَہ شریف پڑھنے کے فوائد پر ’’شَجَرَہ‘‘ کے چار حُروف کی نسبت سے

4 مَدَ نی پھول

پہلا مَدَنی پھول رسولُ  اللہ    صَلَّی اللہ  تَعَالٰی عَلَیْہِ وَاٰلہٖ وَسَلَّم   تک، اپنے اتّصال(یعنی سلسلے کے ملنے) کی سَنَد کا حفظ ، (یقینًا سعادت) ۔

       یعنی مرید کو جب یہ یاد رہے گا، کہ میں نے جس مرشِد کامل کے ہاتھ میں ہاتھ دیا ہے ، ان کا سلسلہ اِن مشائخِ عُظام سے ہوتا ہوا نبیِ کریم  رؤف الرحیم صَلَّی اللہ  تَعَالٰی عَلَیْہِ وَاٰلہٖ وَسَلَّم  تک پہنچتا ہے، تو اس کے دل میں ’’ اپنے مشائخ‘‘ کی مَحبت مزید جاں گزیں ہوگی۔ کیونکہ اپنے پیر و مرشِد اور سلسلے کے مشائخ کرام رحمہم  اللہ  کی مَحبت ہی کامیابی کی اصل ہے۔

مرشدِِ کامل سے مَحبت کا صَدَقہ

     اعلٰحضرت امام احمد رضا خان علیہ رحمۃ الرحمٰن فرماتے ہیں !کہ میرے والدِ بُزُرگوار،  ( مولانا نقی علی خان علیہ الرحمۃ ) کے شاگرد، بَرَکات اَحمد صاحب (رحمۃ  اللہ  علیہ) میرے پیر بھائی بھی تھے۔ اور حضرت پیرومرشِد (سَیِّدی آل رسول علیہ الرحمۃ ) پر مرمٹنے والے تھے۔ایسا کم ہی ہوا ہوگا، کہ وہ اپنے پیرو مرشِد (سَیِّدی آلِ رسول علیہ الرحمۃ )  کا نام مبارک لیتے ہوں ، اور ان کی آنکھوں  سے آنسوں نہ بہیں ۔( پیر و مرشِد سے ایسی مَحبت کا ایسا صدقہ ملا ) کہ جب ان کا انتقال ہوا، اور میں دفن کے وقت ان کی قبر میں اترا تو اَلْحَمْدُ للہ   عَزَّ وَجَلَّ  مجھے بلا مبالغہ وہاں وہ خوشبو مَحسوس ہوئی، جو پہلی بار روضہ رسول