30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
40 Farameen e Mustafa صلّی اللہ تعالٰی علیہ واٰلہ وسلّم | 40 فرامین مصطفیٰ صلّی اللہ تعالٰی علیہ واٰلہ وسلّم
سبق وار ترتیب
40 فرامین مصطفیٰ صلّی اللہ تعالٰی علیہ واٰلہ وسلّم
کتاب میں نتائج:
سبق وار ترتیب
سبق 1: حدیث: 1–6
حسنِ قراءت، سلام، نوحہ، رحم، حسد
سبق 2: حدیث:7–12
مشابہت، خرچ کرنے، نکاح، وضو، ذِلّت پر پیش کرنے
سبق 3: حدیث: 13–17
تعظیم ، بدشگونی ، بددیانتی، نیکی کی دعوت
سبق 4: حدیث: 18–22
سنت، نماز، ملاوٹ
سبق 5: حدیث: 23–28
قرآن، اخلاق، نفع رسانی
سبق 6: حدیث: 29–35
حسنِ سلوک، استغنا، پڑوسی
سبق 7: حدیث: 36–40
اخلاص، آخرت کی رغبت
میری بات
✍️ غلام احمد رضا عطاری قادری مدنی ( المدینۃ العلمیہ ۔Islamic Research Center)15مئی 2026ء/27ذی قعدہ1447ھ
لو مدینے کا پھول لایا ہوں میں حدیثِ رسول لایا ہوں
اللہ اللہ ! حضور صلّی اللہ علیہ واٰلہٖ وسلّم کی باتیں، خوشبودار باتیں اور ایمان افروز باتیں ہیں۔ احادیثِ مبارکہ دینِ اسلام کی روح اور سیرتِ مصطفیٰ صلّی اللہ علیہ واٰلہٖ وسلّم کا روشن آئینہ ہیں۔ اَربعین (40 اَحادیث) کی تدوین کی روایت صدیوں سے اہلِ علم میں رائج رہی ہے، جسے مختلف ادوار میں علما ئے کرام نے اپنے ذوق کے مطابق آگے بڑھایا۔
فرمانِ آخِری نبی صلّی اللہ علیہ واٰلہٖ وسلّم : مَنْ حَفِظَ عَلٰی اُمَّتيْ اَرْبَعِينَ حَدِيثًا، يَنْفَعْهُمُ الله عَزَّ وَجَلَّ بِهَا، قِيْلَ لَهُ: ادْخُلْ مِنْ اَيِّ اَبْوَابِ الْجَنَّةِ شِئْتَ ۔ یعنی :’’جو شخص میری اُمّت تک 40حدیثیں پہنچائے ، جس سے اللہ پاک انہیں نفع دے ،تو(قیامت کے دن) اس سے کہا جائے گا : جنت کے جس درواز ےسے چاہے داخل ہو ۔‘‘ (حلیۃ الاولیا،4/189)
وضاحت: 40 حدیثیں یادکرکے مسلمان کو سنانا،چھاپ کر ان میں تقسیم کرنا، ترجمہ یا شرح کرکے لوگوں کو سمجھانا،راویوں سے سن کر کتابی شکل میں جمع کرنا،سب ہی اس میں داخل ہیں۔
(مرآت، 1/221)
زیرِ نظر مختصر مگر جامع رسالہ بھی اسی بابرکت روایت کی ایک کڑی ہے۔ حضرت مولانا ابو رجب آصف عطّاری مدنی رحمۃ اللہ علیہ کی دو کتب: (۱)وہ ہم میں سے نہیں (صفحات:112) (۲)بہتر کون؟ (صفحات:139) سے منتخب کردہ چالیس اَحادیث پر مشتمل ہے، اصل کتب مجموعی طور پر 251 صفحات اور 68 اَحادیث پر مشتمل تھیں۔
اس انتخاب کا بنیادی مقصد ’’زبانی یاد دہانی‘‘ اور عام مسلمانوں کے لیے حفظِ حدیث کو آسان بنانا ہے۔ اسی لیے اسے سات دنوں کے سات اَسباق کی ترتیب پر مرتب کیا گیا ہے تاکہ ایک طالبِ علم یا عام مسلمان روزانہ صرف 5 یا 6 احادیث یاد کرکے ایک ہفتے میں چالیس احادیث یاد کرنے کی سعادت حاصل کر سکے۔ اللہ کریم اس کاوش کو شرفِ قبولیت عطا فرمائے، آمین۔
