3    دوپہر زوال کا وقت شروع ہو جانے سے غروب تک    مباح وقت

4    سورج غروب ہونے سےاگلے دن کی فجر کا وقت شروع ہونے سے پہلے تک   مکروہ وقت

پہلے دن کی رمی کے ضروری احکام

       پہلے دن صرف بڑے جمرے کی رمی کرنا ہےجو مِنٰی کی جانب سے تیسرا ہے ۔^)[1]( پہلے دن رمی میں اس طرح کھڑے ہونا ہے کہ مِنٰی دائیں جانب رہے اور کعبہ شریف بائیں جانب ہو۔جمرے کی طرف منہ کر کے سیدھا ہاتھ خوب اٹھا کر کہ بغل کی رنگت ظاہر ہو ایک ایک کر کے 7 کنکریاں  مارے ۔^([2]) بہتر یہ ہے کہ کنکریاں جمرے تک پہنچیں ورنہ کم از کم تین ہاتھ کے فاصلے پرگریں اس سے زیادہ فاصلے پر گری تو وہ کنکری شمار میں نہیں آئے گی۔^)[3](

       سات کنکریاں مارنی ہیں اور ہرکنکری الگ الگ مارنی ہے^)[4]( پہلی کنکری پر حاجی لَبَّیْک کہنا موقوف کر دے گا۔^)[5](اس جمرے پر رمی کے بعد کسی بھی دن یعنی دسویں دن رمی کریں یا گیارہویں دن کریں یا بارہویں دن  یا تیرہویں دن دعا کے لئے ٹھہرنا نہیں ہے بلکہ رَمی کرتے ہی چلتے چلتے دعا کرنا ہے^)[6](لہٰذا آگے بڑھ جائیں مکہ شریف جانا ہے تو سیدھا آگے کی طرف جانا ہے اورمِنٰی واپسی کے لئے یُو ٹَر ن کر کے راستہ ملے گا۔

       ہر دفعہ کنکری مارتے وقت  بِسْمِ اللہِ اَللہُ اَکبَرْ پڑھے^)[7](ممکن ہو تو یہ دعا پڑھیں۔

  بِسْمِ اللہِ اَللہُ اَکبَرُ رَغْمًا لِّلشَّیْطٰنِ رِضًا لِّلرَّحْمٰنِ اَللّٰھُمَّ اجْعَلْہُ حَجًّا مَّبْرُوْرًا وَّ سَعْیًا مَّشْکُوْرًا  وَّ ذَنْـبًا  مَّغْفُوْرًا^)[8](

یعنی اللہ عَزَّ وَجَلَّ کے نام سے، اللہ عَزَّ وَجَلَّ بہت بڑا ہے۔ شیطان ذلیل ہو۔رحمٰن عَزَّ وَجَلَّ راضی ہو۔اے اللہ عَزَّ وَجَلَّ میرے آنے کو حجِ مبرور فرما ،قبول کی گئی کوشش بنا اور گناہ معاف کر۔

دوسرے ،تیسرے دن کی رمی کا وقت:

       دوسرے دن کی رمی کا وقت گیارہ تاریخ کو زوال کا وقت ختم ہونے یعنی ظہر کا وقت شروع ہونے سے لے کر اگلے دن کی فجر کا وقت شروع ہونے تک ہے البتہ بلا عذر سورج غروب ہونے کے بعد مکروہ ہے ۔

       یونہی تیسرے دن یعنی 12 ذو الحجہ  کی رمی کا وقت ،زوال کا وقت ختم ہونے یعنی ظہر کا وقت شروع ہونے سے لے کر اگلے دن کی فجر کا وقت شروع ہونے تک ہے البتہ بلا عذر سورج غروب ہونے کے بعد مکروہ ہے ۔^)[9](

دوسرےاورتیسرے دن کی رمی کے ضروری احکام:

       دوسرے اور تیسرے دن یعنی گیارہ اور بارہ ذوالحجّہ کو تینوں جمروں کی رمی کرنا واجب ہے ۔^)[10](یعنی ہر ایک جمرے کو سات سات کنکریاں مارناہے۔^([11])سب سے پہلے جمرۂ اولی یعنی چھوٹے شیطان کو پھر جمرۂ وُسطی یعنی درمیانے شیطان پھر جمرۂ عقبی یعنی بڑے شیطان کو رمی کرنا ہے ۔^)[12](

       جمرۂ اُولیٰ مسجدِ خیف کی طرف سے پہلا ہے ۔^)[13]( آج کی رمی میں وہاں رخ کر کے نہیں کھڑے ہوں گے جس انداز میں پہلے دن کی رمی پر کھڑے ہوئے تھے ۔دوسرے اور تیسرے دن کی رمی کے لئے اس طرح کھڑے ہوں گے کہ مِنٰی بائیں طرف ہو۔13کی رمی کرنی ہو تو اس میں بھی یونہی کھڑے ہونا ہے۔اس انداز پر منہ قبلہ کی طرف ہوگا۔^)[14]( البتہ تیسرے یعنی جمرۃُ العقبہ کی رمی میں یہی راجح ہے کہ پہلے دن جس طرح کھڑے ہونے کا طریقہ بیان ہوا باقی دنوں میں بھی تیسرے جمرے کی رمی اسی انداز پر کی جائے۔^)[15](