2     اگر ان چکروں کا اعادہ کر لیا جن کا ایک تہائی حصہ رہتا تھا تو صدقہ ساقط ہو جائے گا۔

       سعی کی شرائط میں سے ایک شرط یہ بھی ہے کہ صفا و مروہ کے مابین مسافت کا اکثر حصہ طے کیا ہو لہذا جس شخص نے دو تہائی حصہ چھوڑ دیا تو سعی درست نہ ہوگی۔^([1])لہذا اگر تمام یا کم از کم چار چکر اسی طرح اَدُھورے قسم کے لگائے تو اصلاً سعی ہی نہ ہوگی ۔

حضرت جابر بن عبداللہ رَضِیَ اللہُ تَعَالٰی عَنْہُمَا سے مروی ہے کہ رَسُولُاللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم نے فرمایا: جو مسلمان عرفہ کے دن پچھلے پہرکو موقف میں وقوف کرے پھر سو۱۰۰ بارکہے:لَآ اِلٰہَ اِلَّا اللہُ وَحْدَہٗ لَا شَرِیْکَ لَہٗ لَہُ الْمُلْکُ وَلَہُ الْحَمْدُ یُحْیِیْ وَ یُمِیْتُ وَھُوَ عَلٰی کُلِّ شَیْءٍ قَدِیْرٌ۔ اور سو۱۰۰ بار قُلْ ھُوَاللہُ اَحَدٌ پڑھے اور پھر سو۱۰۰بار یہ درود پڑھے:اَللّٰھُمَّ صَلِّ عَلٰی مُحَمَّدٍ کَمَا صَلَّیْتَ عَلٰی اِبْرَاھِیْمَ وَعَلٰی اٰلِ اِبْراھِیْمَ اِنَّکَ حَمِیْدٌ مَّجِیْدٌ وَعَلَیْنَا مَعَھُمْ۔ اللہ عَزَّ  وَجَلَّ فرماتا ہے: اے میرے فرشتو! میرے اس بندے کو کیا ثواب دیا جائے جس نے میری تسبیح وتہلیل کی اور تکبیر و تعظیم کی مجھے پہچانا اور میری ثنا کی اور میرے نبی پر درود بھیجا۔ اے میرے فرشتو! گواہ رہو کہ میں نے اُسے بخش دیا اور اس کی شفاعت خود اس کے حق میں قبول کی اور اگر میرا یہ بندہ مجھ سے سوال کرے تو اُس کی شفاعت جو یہاں ہیں سب کے حق میں قبول کروں۔(شعب الایمان، باب فی المناسک، فضل الوقوف بعرفات ...إلخ، ج3، ص463، حدیث:4074)

واجب نمبر:6

وُقوفِ عَرَفَہ کے لئے غروبِ آفتاب تک ٹھہرنا

مختصر تشریح

وقوفِ عرفہ کا وقت

1     ”وُقوفِ عرفہ “حج کا رُكنِ اعظم ہے۔اس کا وقت نو  ذو الحجہ کو میدانِ عرفات میں ظہر کا وقت شروع ہونے سے لے کر دسویں کی فجر کا وقت شروع ہونے تک ہے^([2])دن میں وقوف کرنے والے پر واجب ہے کہ وہ غروبہونے تک عرفات میں موجود رہے اور رات کا کم از کم ایک  لمحہ عرفات میں ضرورپائے ۔^([3])

2     ظہر کا وقت شروع ہوتے ہی میدانِ عرفات میں موجودگی واجب نہیں،لیکن غروب سے پہلے جب بھی آئے گا غروب تک ٹھہرنا واجب ہوگا^([4]) البتہ زوال سے پہلے ہی میدانِ عرفات پہنچنا افضل ہے تا کہ ظہر کا وقت شروع ہونے سے پہلے طبعی حاجات  سے فارغ ہو جائے اور غسل بھی کر لےکہ اس موقع پر سنتِ مؤکدہ ہے۔وقت شروع ہونے پر بھرپور طریقے سے عبادتِ دعا پر توجہ دےاورسوائے اللہ تعالی کے کسی چیز کی طرف ذہن متوجہ نہ ہو۔ ^([5])

3     واضح رہے کہ نو (9) ذُوالحِجّہ کے زوال کے بعد سے لے کر غروب ہوجانے تک واجب وقت ہے یعنی دن کو وقوف کیا جائے یہ ایک مستقل واجب ہے اور دن کے وقوف کو غروب تک جاری رکھا جائے یہ جداگانہ واجب ہے^([6]) لیکن اگر کسی نے دن میں اصلاً وقوف نہ کیا بلکہ غروب کے بعد سے فجر کا وقت شروع ہونے سے پہلےرات کے کسی حصے میں وقوف کیا اور حج کے احرام کے ساتھ ^([7]) میدانِ عرفات میں  موجود رہااگرچہ بغیر نیت موجود رہا تو وقوف ہو گیا ^([8])رات میں وقوف کرنے والے پر اس وقوف کو کتنی دیر جاری رکھا جائے ؟اس تعلق سے کوئی وجوبی احکام نہیں البتہ بہتر یہ ہے کہ کسی بھی وجہ سے رات کو وقوف کیا ہے تو ذکر و اذکار اور دعا وغیرہ کا اہتمام کیا جائے۔

وقوف کے حوالے سے چند اہم باتیں

1          مستحب یہ ہے کہ حاجی نو(9)ذی الحجہ کے طلوعِ آفتاب کے بعد جبکہ سورج کی کرنیں کوہِ ثبیرپر پڑیں وقوفِ عرفہ کے لئے منی سے میدانِ عرفات روانہ ہو،دورانِ روانگی آہستہ سکون واطمینان سے تلبیہ،تہلیل،تکبیر کہتا چلےاوردرود وسلام بھی پڑھتا  رہے۔بس میں جائے یا پیدل یہ اعمال جاری رکھے،جبلِ رحمتپر پہلی نظرپڑتے ہی دعا کرے، تسبیح وتحمید اور تکبیر وتہلیل اور تمجید واستغفار کرےپھر میدانِ عرفات میں داخل ہونے سے پہلے تک مسلسل تلبیہ پڑھتا رہے میدانِ عرفات  میں جبلِ رحمت کے پاس ٹھہرنا افضل