Book Name:Peer Shareef Ka Roza Rakhna
د زده کولو او ښودلو د حلقو جدول
(1): پۀ مختلفو موضوعاتو باندې مختصر بيان: 5 منټه (2): دُعا یادول: 5 منټه (3): [د خپلو اعمالو] جائزه: 5 منټه، ټول وخت: 15 منټه۔
نن به د زده کولو او ښودلو پۀ حلقو کښې پۀ 72 نيک اعمال کښې د يو نيک عمل د ګل شريف د روژې نيولو پۀ موضوع ګټه ور معلومات درکولے شي او د روژه ماتي پۀ وخت لوستلے کيدونکې دُعا به يادولے شي۔ پۀ اخره کښې به د نيک اعمال رسالې نه اِجتماعي جائزه هم اخستے کيږي۔ اِنْ شَآءَ اللہُ الْکَرِیم!
د ګل شريف روژه نيول
د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم فرمان مبارک
تاسو پۀ ما باندې درود لولئ۔۔۔ ! بے شکه دا ستاسو د پاره پاکي ده۔ ([1])
صَلُّوا عَلَی الْحَبِیب صَلَّی اللهُ علٰی مُحَمَّد
اميرِ اهلِسُنَّت دَامَتْ بَرَکَاتُہُمُ الْعَالِیَه مونږ ته د سوالونو پۀ شکل کښې نيک اعمال رساله عطا کړې ده د پاره د دې چې مونږ د دې نيک اعمالو پۀ اِختيارولو خپله اِصلاح او ډيرې نيکۍ اوکړے شو۔ پۀ 72 نيک اعمال کښې هفته وار نيک عمل دے: آيا پۀ دې هفته کښې مو د ګل شريف (يا د پاتې کيدو پۀ شکل کښې پۀ بله ورځ) روژه ونيوله؟
پۀ دې نيک عمل کښې د ګل شريف يا پۀ هفته کښې پۀ هره يوه ورځ کښې د نفلي روژې د نيولو ترغيب ورکړے شوے دے نو نن به مونږ د نفلي روژو پۀ باره کښې اورو۔