Book Name:Awaleen o Ishraq o Chasht Parhna
نيڪ عمل نمبر 34: ڇا اڄ اوهان اوَّابين يا اشراق ۽ چاشت جا نوافل ادا ڪيا.؟ [1]
نمازِ مغرب کان پوءِ ڇهه رڪعتون ادا ڪرڻ کي صلاة الاوَّابين (يعني اوابين جي نماز) چئبو آهي.[2]
صلاة الضحى (اشراق ۽ چاشت) ڇاکي چئبو آهي؟
سج بلند ٿيڻ (Sun Rise) کان ڪجهه دير بعد ادا ڪيا ويندڙ نوافل کي صلاة الضحى (يعني اشراق ۽ چاشت جي نماز) چئبو آهي.[3]
وضاحت: * ضُحيٰ ڏينهن جي ان حصي (Part) کي چيو ويندو آهي، جڏهن سج بلند ٿيندو آهي. ان وقت جيڪا نماز ادا ڪئي ويندي آهي، ان کي صلاة الضُحيٰ (يعني اشراق ۽ چاشت جي نماز) چئبو آهي[4]. * نمازِ اشراق جو وقت: سج اڀرڻ (طلوع ٿيڻ) جي 20 منٽن کان پوءِ شروع ٿيندو آهي ۽ ضحوه ڪبريٰ (يعني جڏهن سج بلڪل مٿي هوندو آهي اُن وقت ختم ٿي ويندو آهي. * چاشت جو وقت: سج بلند ٿيڻ سان شروع ٿيندو آهي ۽ ضحوه ڪبريٰ يعني جڏهن سج بلڪل مٿي هوندو آهي ان وقت ختم ٿي ويندو آهي.[5] * اشراق ۽ چاشت جي نماز گڏ به ادا ڪري سگهجي ٿي.[6]
اِنَّا سَخَّرْنَا الْجِبَالَ مَعَهٗ یُسَبِّحْنَ بِالْعَشِیِّ وَ الْاِشْرَاقِۙ(۱۸) (پارہ:23،سورۂ صٓ:18)
ترجموڪنزالعرفان: بيشڪ اسان ان سان گڏ جبلن کي تابع ڪري ڇڏيو ته اُهي شام ۽ سج