سکڻ  ۽  سيکارڻ جي حلقن جو  جدول

(1): مختلف موضوعن تي مختصر بيان: 5 منٽ (2): دُعا ياد ڪرائڻ: 5 منٽ (3): جائزو: 5 منٽ ڪُل وقت: 15 منٽ

اڄ جي سکڻ ۽ سيکارڻ وارن حلقن ۾ 72 نيڪ اعمال   مان هڪ نيڪ عمل تهجد پڙهڻ  جي مُتعلق مفيد ترين معلومات ڏني ويندي ۽ ننڍ  مان  جاڳڻ  کان بعد   جي دعا  ياد ڪرائي ويندي ۽ آخر ۾ نيڪ اعمال جي رسالي مان اجتماعي جائزو به ورتو ويندو. اِنْ شَآءَ اللہُ الْکَرِیم!

دُرُود شريف جي فضيلت

آخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم جو فرمان آهي: فرض حج ڪيو، بيشڪ ان جو اجر 20 غزوات ۾ شرڪت ڪرڻ کان وڌيڪ آھي ۽ مون تي ھڪ دفعو درود پاڪ پڙھڻ ان (فرض حج) جي برابر آھي. ^([1])

صَلُّوْا عَلَی الْحَبیب!                                                                   صَلَّی اللّٰہُ عَلٰی مُحَمَّد

تهجُّد پڙهڻ

اميرِ اهلسنت دَامَتْ بَرَکاتُہُمُ الْعَالِیَہ اسان کي نيڪيون ڪرڻ ۽ گناهن کان بچڻ جي لاءِ سوالن جي صورت ۾ ”نيڪ اعمال“ جو رسالو عطا فرمايو آهي ته جيئن اسان انهن سوالن جي ذريعي پنهنجو جائزو وٺندي وڌ کان وڌ نيڪيون ڪيون ۽ گناهن کان پري رهون. اڄ اسان 72 نيڪ اعمال جي رسالي مان نيڪ عمل نمبر 33 بابت سکنداسين.