د غصې څښلو معنیٰ

د طاقت لرلو باوجود د غصې نافذ کولو نه بچ کيدل کَظْمُ الْغَیْظ غصه څښل دي. ^([1])

وضاحت: کله چې غصه راشي او د هغې د ظاهرولو مثلاً: د مخامخ کَس نه د بدلې اخستو، د رټلو وغيره طاقت هم وي نو د دې باوجود جوابي کاروائي نۀ کول غصه څښل دي.

آيت مبارک

الله پاک فرمائي:

الَّذِیْنَ  یُنْفِقُوْنَ  فِی  السَّرَّآءِ  وَ  الضَّرَّآءِ  وَ  الْكٰظِمِیْنَ  الْغَیْظَ  وَ  الْعَافِیْنَ  عَنِ  النَّاسِؕ-وَ  اللّٰهُ  یُحِبُّ  الْمُحْسِنِیْنَۚ(۱۳۴)  (پارہ :4، سورۀ آلِ عمران:134)      

[مفهوم] ترجمهٴ کنزُ العِرفان: هٰغه خلق چې پۀ فراخۍ او تنګدستۍ کښې د الله پۀ لاره کښې خرچ کوي او غصې څښلو والا او خلق معاف کوونکي دي او الله د نيکانو خلقو سره محبت کوي.

پۀ دې آيت مبارک کښې د پرهيزګارو خلقو 4 صفتونه بيان کړے شوي دي: (1): پۀ فراخۍ او تنګدستۍ دواړو حالتونو کښې د الله پاک پۀ لار کښې خرچ کول (2): غصه څښل  (3):  خلق معاف کول (4): اِحسان کول. خوږو او محترمو اِسلامي وروڼو! معلومه شوه چې پۀ چا کښې دا صفتونه وي الله پاک د هغوئي سره محبت فرمائي. ^([2])

د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم فرمان مبارک

مَنْ كَفَّ غَضَبَهُ كَفَّ اللهُ عَنْهٗ عَذَابَهٗ يَوْمَ الْقِيَامَةِ

ترجمه: څوک چې خپله غصه قابو کړي، الله پاک به د قيامت پۀ ورځ د هغۀ نه خپل عذاب ودروي. ^([3])