یاد رہے !  نماز کے دوران ، قرآنِ پاک کی تِلاوت  اور خطبۂ جمعہ سُنتے وقت نامِ پاک مُحَمَّد صَلَّی اللہ عَلَیْہِ وَ آلِہٖ وَ سَلَّم آئے تو اس  وقت انگوٹھے نہیں چومنے چاہئیں۔ نماز میں اس کے منع ہونے کی وجہ تو ظاہِر ہے ، قرآنِ پاک اور خطبہ سنتے وقت اس لئے انگوٹھے نہیں چوم سکتے کیونکہ اس وقت تمام کام کاج روک کر مکمل تَوَجُّہ ( Full Attention )  کے ساتھ خطبہ یا تِلاوت سننے کا حکم ہے۔ انگوٹھے چومنے میں یہ احتیاط بھی کیجئے کہ چُومنے کی آواز نہ نکلے۔ ^{( [1] )}  

صَلُّوْا عَلَی الْحَبیب !                                                   صَلَّی اللّٰہُ عَلٰی مُحَمَّد

بیان سننے کی نیتیں

حدیثِ پاک میں ہے :  اِنَّمَا الْاَعْمَالُ بِالنِّیّات اَعْمَال کا دار ومدار نیتوں پر ہے۔ ^{( [2] )}

اے عاشقانِ رسول ! اچھی اچھی نیتوں سے عمل کا ثواب بڑھ جاتا ہے۔ آئیے !  بیان سننے سے پہلے کچھ اچھی اچھی نیتیں کر لیتے ہیں ، مثلاً نیت کیجئے !  * رضائے الٰہی کے لئے پورابیان سُنوں گا  * بااَدَب بیٹھوں گا * خوب تَوَجُّہ سے بیان سُنوں گا  * جو سنوں گا ، اسے یاد رکھنے ، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

قبر کے سُوالات سے چھٹکارا مل گیا

منقول ہے :   ( مراکش کے شہر )  فاس میں ایک نیک عورت رہتی تھی ، اس کی عادَت تھی کہ جب اسے کوئی تنگی یا پریشانی دَرْپیش ہوتی تو وہ دونوں ہاتھ اپنے چہرے پر رکھتی اور آنکھیں بند کر کے کہتی :  مُحَمَّد  صَلَّی اللہ عَلَیْہِ وَ آلِہٖ وَ سَلَّم ۔ ( بس نامِ مُحَمَّد کی برکت سے اس کی پریشانی