بےکَسِی ہو گی ، ہم کتنے لاچار ہوں گے جب مَلَکُ الْمَوت عَلَیْہِ السَّلَام تشریف لائیں گے ، سانس اٹکے گی ، آخری ہچکی (Hiccup )  آئے گی اور رُوح جسم سے جُدا ہو جائے گی۔ آہ ! اس دِن نہ کسی بادشاہ کی بادشاہی اسے بچا سکے گی ، نہ کسی غریب کی غُربت پر تَرْس کھایا جائے گا ، نہ کسی کا زور چل سکے گا ، نہ کسی کمزور کی کمزوری کا عُذر مانا جائے گا۔ شیخِ طریقت ، امیر اہلسنت ، بانئ دعوتِ اسلامی حضرت علامہ مولانا ابو بلال محمد الیاس عطارقادِری رضوی دَامَت بَرَکاتہمُ الْعَالِیَہ آخرت کی یاد سے مالا مال پیغام دیتے ہوئے ارشاد فرماتے ہیں :

جب فِرِشتہ موت کا چھا جائے گا            پھر بچا کوئی نہ تجھ کو پائے گا

دُنیا میں رِہ جائے گا یہ دبدبہ                زور تیرا خاک میں مِل جائے گا

تیری طاقت ، تیرا فَن ، عُہدہ تِرا            کچھ نہ کام آئے گا سرمایہ تِرا

قبر روزانہ یہ کرتی ہے پُکار                 مجھ میں ہیں کیڑے مکوڑے بےشُمار

یاد رکھ میں ہوں اندھیری کوٹھڑی          تجھ کو ہو گی مجھ میں سُن وَحْشت بڑی

میرے اندر تُو اکیلا آئے گا                ہاں ! مگر اَعْمَال لیتا آئے گا

سانپ بچھو قبر میں گر آگئے !               کیا کرے گا بےعمل گر چھا گئے ؟

گورِ نیکاں باغ ہو گی خُلْد کا                  مجرِموں کی قبر دوزخ کا گڑھا

کر لے توبہ رَبّ کی رحمت ہے بڑی       قبر  میں  ورنہ  سزا  ہو  گی  کڑی ^{( [1] )}

اللہ پاک ہمیں زندگی بھر قبر و آخرت کی تیاری میں مَصْرُوف رہنے کی توفیق نصیب فرمائے۔

آمِیْن بِجَاہِ خَاتَمِ النَّبِیّٖنَ  صَلَّی اللہ عَلیہ وَآلہٖ و َسَلَّم ۔

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد