الیاس عطار قادری دَامَتْ بَـرَکاتُہُمُ الْعَالِیَہ   کے رسالے” 101مدنی پھول“ سے چھینکنے کی چند سنتیں و آداب سُنتے ہیں :

پہلے دو فرامینِ مُصْطَفٰے صَلَّی اللّٰہُ عَلَیْہِ وَاٰلِہٖ وَسَلَّمَ ملاحظہ ہوں :  *  اللہ پاک کو چھینک پسند ہے اور جماہی ناپسند۔ ( بخاری ، ۴ / ۱۶۳ ، حدیث : ۶۲۲۶ )  * جب کسی کو چھینک آئے اور وہاَلْحَمْدُ لِلّٰہ کہے تو فِرِشتے کہتے ہیں : رَبِّ الْعٰلَمِیْنَ اور اگر وہ رَبِّ الْعٰلَمِیْنَکہتا ہے تو فِرِشتے کہتے ہیں : اللہ تجھ پر رَحم فرمائے۔ ( معجم کبیر ، ۱۱ / ۳۵۸ ، حدیث : ۱۲۲۸۴ )  * چھینک کے وَقت سر جھکایئے ، منہ چُھپایئے اور آواز آہِستہ نکالئے ، چھینک کی آواز بُلند کرنا حَماقت  ( یعنی بیوقوفی ) ہے۔  ( رَدُّ الْمُحتار ، ۹ / ۶۸۴ )  *  چھینک آنے پر اَلْحَمْدُ لِلّٰہ کہنا چاہیے ( خزائنُ العرفان صَفْحَہ3پر طَحطاوی کے حوالے سےچھینک آنے پرحمدِ الہٰی کو سُنّتِ مُؤَکَّدہ لکھا ہے ) بہتر یہ ہے کہاَلْحَمْدُ لِلّٰہِ رَبِّ الْعٰلَمِیْن یا اَلْحَمْدُ لِلّٰہِ عَلٰی کلِّ حَال کہے  * سُنْنے والے پر واجِب ہے کہ فو راً یَر حَمُکَ اللہ ( یعنی اللہ  پاک تجھ پر رَحْم فرمائے ) کہے۔اوراتنی آواز سے کہے کہ چھینکنے والاخُود سُن لے۔ ( بہارِشريعت حصّہ۱۶ص۱۱۹ )

( اعلان )

چھینکنے کی بقیہ سنتیں اور آداب تربیتی حلقوں میں بیان کیے جائیں گے لہٰذا ان کو  جاننے کیلئے تربیتی حلقوں میں ضرور  شرکت  کیجئے ۔

صَلُّوْا عَلَی الْحَبِیْب !                                            صَلَّی اللہ عَلٰی مُحَمَّد

دعوتِ اسلامی کے ہفتہ وار سُنَّتوں بھرے اِجْتِماع میں

پڑھےجانے والے6 دُرودِ پاک اور 2دعائیں