ہوجائے کہ جب کسی کو گناہوں میں مُبْتَلا پائیں ، نَمازوں میں کوتاہی کرتا دیکھیں ، جھوٹ ، غِیْبت و چُغلی ، مُسَلمان کی دل آزاری وغیرہ گناہوں میں مُلَوَّث دیکھیں توپیٹھ  پیچھے اُس پر بے جاتنقید کرنے اور اُس کی بُرائی کر کے خُود غیبت کی گہری کھائی میں چھلانگ لگانے کے بجائے ، اُس کو گناہوں کے دَلدَل سے نکالنے کی  کوشش کریں ، نِہایت نَرْمی اور پیار سے اُس کو سمجھانے اورثَوابِ آخِرت کے خَزانے سمیٹنے والے بنیں۔ہم خُلوصِ نیَّت کے ساتھ کسی کو سمجھائیں  گے تواِنْ شَآءَ اللہ اِس کا فائدہ ضَرور ہوگا۔

 پیارے اسلامی  بھائیو ! اپنے اندر حِلْم ( برداشت ) کا مادہ پیدا کرنے اور غُصّہ کرنے کی عادتِ بد سے چھٹکارا پانے کیلئے  چند طریقے اور عِلاج سَماعَت کیجئےاور ان پر عمل کی کوشش بھی کیجئے۔

 ( 1 ) سب سے پہلے اللہ  پاک کی بارگاہ میں سچّے دِل سے گِڑگِڑا کردُعا کیجئے ! کیونکہ تَوفِیْقِ خُداوَندی کے بِغَیْر انسان کسی بھی گُناہ سے بچنے کی طاقت نہیں رکھتا ۔  

 ( 2 ) حِلْم کی عادت اپنانے کیلئے اس کے فَضائِل پر مشتمل رِوایات پڑھئے اوربُزُرگانِ دِین رَحِمَہُمُ اللہ الْمُبِیْن کے واقِعات کا مُطالَعہ کیجئے۔

 ( 3 ) اپنے نَفْس کواللہ  پاک کے عَذاب سے ڈرائیے کہ مجھے جس طرح اس شَخْص پر قُدرَت حاصِل ہے اس سے بڑھ کر اللہ  پاک کو مجھ پر قُدرَت ہے۔اگر میں نے اس پر اپنا غُصّہ نکال دیا تو میں قِیامت کے دن اللہ  پاک کے غَضَب سے نہیں بچ سکوں گا۔

  ( 4 ) اِسی طرح غصے کے سبب ہونے والے طِبّی نُقصانات پرغَور کیجئے ، مثلاًاس طرح صِحّت پر بُرا اثر پڑتا ہے۔

 ( 5 ) کثرت سے تَوبہ واِستِغْفار کیجئے کہ اس کی بَرکت سے بھی اِنْ شَآءَاللہ    اس عادت سے