(وسائلِ بخشش مرمَّم،ص۳۰۱)

 [د شعر تشريح] يعني اے د فرش يعني زمكے والؤ او اے د عرش والؤ، ستاسو د ټولو مبارك شه چه د دواړو جهانو سردار صَلَّى اللهُ عَلَيْهِ وَاٰلِهٖ وَسَلَّم تشريف راوړو.

صَـــلُّـــوْا  عَـــلَـی   الْــحَـــبِــيْــب!                                                                                                        صَـلَّـی اللهُ   تَعالٰـی عَلـٰی   مُـحَـمَّد

     خوږو او مُحترمو اسلامي ورونړو! تاسو واوريدل چه د جَشنِ عيدِ ميلادُ النَّبـي صَلَّى اللهُ تَعَالٰى عَلَيْهِ وَاٰلِهٖ وَسَلَّم په محفل كښے د ربِّ كائنات رحمتونه نازليږى، ډير انوار راوريږي، د رحمت ملائكے د ميلاد شريف په محفلونو كښے شريكے كيږي او د ميلاد محفلونه جوړوونكي په خپلو نوراني وزرو كښے پټوي، ميلاد شريف مناوولو والؤ نه الله پاك خوشحاليږي او په هغوئي باندے خپل نعمتونو راوروي. يقيناً ميلاد شريف مناوول، د ميلاد په مياشت كښے خپل كورونه ، كوڅے، محلّے بلكه خپل ګاډي په مدني جنډو، پړقيدونكو بلبونو، رنګا رنګه لائټونو باندے ښائسته كول او د ربيعُ الاوَّل د مياشتے په راتلو نيك اعمال او د درود شريف كثرت كول، د ميلاد شريف په محفلونو كښے شريك كيدل د اجر و ثواب او د مغفرت ذريعے دي.

      مونږ ته پكار دي چه كله هم راته د سنتو ډكه اجتماع يا مدني مذاكره كښے د حاضريدو سعادت را نصيب شي  نو پكار ده چه د ادب په انداز او په توجه سره د اوريدلو عادت جوړ كړو. راځـئ چه د ترغيب د پاره يوه واقعه واورو: چنانچه  

     خلیفۀ مفتیٔ اعظم هِند، محدثِ اعظم حِجاز، حضرت شیخ سیّد محمد بن عَلَوی مالکی رَحْمَةُ اللهِ عَلَيْه نقل کوي چه زما والد حضرت سيِّد عباس مالكي رحمَةُ اللّٰهُ تعالٰى  عَلَيه وئيلي دي: