حفاظت كوي، هغه مال چه د هغے د حاصلولو د پاره خپل خوبونه قربانوي، هغه مال چه د هغے د حاصلولو د پاره د حلال و حرام فرق هير كړي، هغه مال چه په دوكو ئے ګټلے وي، هغه مال چه د هغے د ګټلو د پاره بنده خپل كور پريږدي او لرے لرے علاقو ته په سفر ځي، هغه مال چه د هغے د جمع كولو ډيرے طريقے جوړوي، هغه مال صرف د مرګ د ساعته پورے د بنده ملګرتيا كوي، څنګه چه مړ شي ټول مال و دولت، جائيداد وغيره به ئے بچي او خويندے ورونړه، خپلوان په خپل مينځ كښے تقسيم كړي.

     ياد ساتئ! د ښځے او ماشومانو ښه تربِيَّت او د هغوئي د حقوقو د ادا كولو د پاره هغوئي سره مشغول اوسيدلو، د خپلو بال بچو د پاره او د كومو كسانو كفالت چه په انسان واجب دے د هغوئي د پاره په قدر د ضرورت د حلال رزق ګټلو د پاره كوشش كول ډيره ښه خبره ده، خو د اولاد او كور والؤ په مَحبَّت كښے د اخته كيدو په وجه الله پاك هيرول، د اولاد په وجه فخر او تكبر كول او د ضرورت نه زيات په مال پسے منډے تړے وهل بد هُم دي، او د انسان د آخرت د سعادتونو نه د محرومئ سبب هم دے، چنانچه

     الله پاك په سيپاره ٢٧ سُوْرَةُ الْحَدِيْد آيت نمبر ٢٠  كښے ارشاد فرمائي:

اِعْلَمُوْۤا اَنَّمَا الْحَیٰوةُ الدُّنْیَا لَعِبٌ وَّ لَهْوٌ وَّ زِیْنَةٌ وَّ تَفَاخُرٌۢ بَیْنَكُمْ وَ تَكَاثُرٌ فِی الْاَمْوَالِ وَ الْاَوْلَادِؕ- (پ۲۷،الحدید:۲۰)

      مفهوم ترجمه كنز الايمان: پوهه شئ چه د دنيا ژوند خو صرف لوبے او ټوقے او زِينت، او په يو بل باندے فخر كول او په مال او اولاد كښے د يو بل په مقابله كښے زياتوالے غوښتل دي.