خلق واه واه اوكړي او زما صفتونه اوكړي. ياد ساتئ! په صدقه و خىرات كولو  په ظاهره مال  كميږي خو په حقيقت كښے [زياتيږي] يعني ډير ډير بركتونه ورسره حاصليږي څنګه چه

په صدقه وركو مال نه كميږي

     زمونږ د خوږ نبـي صَلَّى اللهُ تَعَالٰى عَلَيْهِ وَاٰلِهٖ وَسَلَّم فرمان مبارك دے: مَانَقَصَ مَالٌ مِنْ صَدَقَۃِِ  يعني په صدقه وركولو مال نه كميږي. ( معجم اوسط،من اسمہ احمد،۱/۶۱۹،حدیث: ۲۲۷۰) 

     بله دا چه سيدنا امام حسين َرضِیَ اللّٰهُ تعالٰى  عَنْه  د عاجزئ او انكسارئ نمونه وو ځكه خو ئے لږ شان ناوخته كيدلو باندے د هغه كس نه معافـي اوغوښتله، حالانكه د هغوئي د پاره د دے خبرے معافـى غوښتل ضروري نه وو، خو بيا ئے هم معافـى اوغوښتله. او كه مونږه په خپل حال غور اوكړو نو عاجزي و انكساري خو لرے خبره ده، مونږه د غلطيانو كولو باوُجود معافي نه غواړو او ځان بدمعاش ثابتولو د پاره داسے وايو: وروره مونږه خو د شريفانو سره شريفان او بدمعاشانو سره بدمعاشان يو، كه څوك جګړه كوي ر اتير دِ شي چه پته ئے اولګي، څوك چه راته يوه خبره اوكړي مونږ ورته لس خبرے كوو، څوك چه څه تكليف راكړي مونږ د هغه سكون ختم كړو. او زمونږه بزرګانو سره به كه چا څه بدتميزي اوكړه نو هغه سره به ئے هم ښه اخلاق اختيارول، هغوئي به د غلطئ نه كيدلو باوُجود هم معافـي غوښتله، زمونږه بزرګانِ دين ته كه چا كنزلے هم اوكړے نو هغوئي به ورته په جواب كښے دُعاګانے كولے، زمونږه بزرګانِ دين به چه چا خفه كړل نو هغوئي ته به ئے هم معافـي وركوله. او