میرے عِلم میں نہیں۔^([1])

صَلُّو ْا عَلَی الْحَبِیْب!                                       صَلَّی اللہُ تَعَالٰی عَلٰی مُحَمَّد

میٹھے میٹھے اسلامی بھائیو!اس واقعے سے حُضُور غوثِ اعظم  رَحْمَۃُ اللّٰہ عَلَیْہ کے علمی مقام و مرتبے کی بلندی کا بخوبی اندازہ لگایا جاسکتا ہے کہ آپ نے ایک ہی وقت میں ایک آیتِ مُبارَکہ کی چالیس(40)تفسیریں بیان فرمائیں، جن میں سے اُنتّیس (29)تفسیریں علّامہ ابنِ جوزی رَحْمَۃُ اللّٰہ عَلَیْہ  کے علم میں بھی نہ تھیں،حالانکہ علامہ ابنِ جوزی رَحْمَۃُ اللّٰہ عَلَیْہ وقت کے بہت بڑے عالِم و امام تھے۔ اس سے حُضُور غوثِ پاک  رَحْمَۃُ اللہِ عَلَیْہ کے علمی سمندر کی بے پناہ گہرائی کا اندازہ لگایا جاسکتا ہے ۔

مَظْہرِ عظمتِ غفّار ہیں غوثِ اعظم                                             مُظْہِرِ رِفْعَتِ جبّار ہیں غوثِ اعظم

نائبِ احمدِ مُختار ہیں غوثِ اعظم                                                  اور سب ولیوں کے سردار ہیں غوثِ اعظم

(وسائلِ بخشش مرمّم،ص ۵۵۹)

مختصر وضاحت: یعنی حضور غوث پاک رَحْمَۃُ اللہِ عَلَیْہ  اللہ  پاک   کی عطا سے اس کی عظمت و رفعت کے مظہر ہیں، آقائے دو جہاں صَلَّی اللّٰہُ عَلَیْہِ واٰلِہٖ وَسَلَّمَ کے نائب ہیں اور تمام اولیا کے سردار ہیں ۔

اللّٰہ کی رحمت                    غوثِ پاک                           ہیں باعث ِ برکت                 غوثِ پاک

ہیں صاحبِ عزّت                غوثِ پاک                           ہیں بحرِ سخاوت،                   غوثِ پاک

دریائے کرامت،                غوثِ پاک                           فرماؤ حمایت                      غوثِ پاک

ٹل جائے مصیبت،              غوثِ پاک                           سر تاپا شرافت                    غوثِ پاک

٭مرحبا یا غوثِ پاک٭مرحبا یا غوثِ پاک٭مرحبا یا غوثِ پاک