جو(عام لوگوں کی نظروں سے)پوشیدہ(یعنی چُھپے ہوئے) اورمُتَّقِی ہیں کہ اگر مَوْجُود  ہوں تو پہچانے نہ جائیں، غائب ہوں تو انہیں  تلاش نہ کیا جائے، زمین کے ٹکڑے انہیں پہچانتے ہیں اور آسمان کے فرشتے ان کو گھیرے ہوئے ہیں۔لوگ دنیاسے خوش ہوتے ہیں اور یہ لوگ اللہ پاک کی اطاعت  وفرمانبرداری سے خوش ہوتے ہیں۔لوگ نرم و ملائم بستر بچھاتے ہیں جبکہ یہ لوگ پیشانیاں اور گھٹنے بچھاتے ہیں(یعنی راتیں سجدوں میں گزارتے ہیں)۔ لوگ انبیائے کرامعَلَیْہِمُ الصَّلَاۃُ وَالسَّلَام کی سُنَّتوں اوران کے اَخلاق سے مُنہ پھیرتے ہیں لیکن یہ ان کی حفاظت کرتے ہیں۔جب ان میں سے کسی کا اِنتقال ہوجاتاہے توزمین روتی ہے اور جس شہر میں ان میں سے کوئی نہ ہو اس شہر پر اللہ پاک غضب فرماتا ہے۔ یہ لوگ دُنیا پر اس طرح نہیں ٹوٹ پڑتے جس طرح سڑے ہوئےمُردار پر کُتّے ٹوٹ پڑتے ہیں بلکہ یہ لوگ تو کم کھاتے اور پُرانا لباس پہنتے ہیں۔ ان کے بال بکھرے ہوئے اورچہرےغُبار آلُودہوتے ہیں۔ لوگ اِنہیں دیکھ کر بیمار گمان کرتےہیں حالانکہ یہ بیمار نہیں ہوتے اور لوگ سمجھتے ہیں کہ اِنہیں دماغی مَرَض لاحِق ہواہے جس کی وجہ سےان کی عقلیں چلی گئی ہیں حالانکہ ان کی عقلیں  گئی نہیں ہوتیں لیکن اُنہوں نے اللہ پاک کےمعاملے میں غور وفکر کیاتو اس کے سبب ان کے اندر سے دنیا(کی محبت)چلی گئی۔ دنیا والوں کے نزدیک یہ لوگ بے عقل شخص کی طرح چلتے ہیں حالانکہ ان کی عقلیں اس وقت بھی سلامت ہوں گی جب لوگوں کی عقلیں چلی جائیں گی۔ ان کے لئے آخرت میں بلند مرتبہ ہوگا۔جب تم انہیں کسی شہر میں دیکھوتو جان لینا کہ یہ اس شہر والوں کے لئے امان ہیں۔جس قوم میں یہ ہوں اللہ پاک ان پر عذا ب نہیں فرماتا،زمین ان سے خوش اور ربّ کریم ان سے راضی ہے،تم انہیں اپنا بھائی بنالینا قریب ہے کہ تم ان کے وسیلے سے نجات پاجاؤ۔(احیاء العلوم،۳/ ۲۴۶ملتقطا)

روزانہ دو گھنٹے مدنی کام

میٹھے میٹھے اسلامی بھائیو!تقویٰ و پرہیزگاری کاعادی  بننے ،مُتَّقی مسلمانوں کی عزت آبرو کی حفاظت کا جذبہ پانےاور کامیاب مسلمان بننے  کیلئے عاشقانِ رسول کی مدنی تحریک دعوتِ اسلامی کے مدنی ماحول سے وابستہ ہوجائیے اور روزانہ 2 گھنٹے مدنی کاموں میں وقت دینے والے مدنی انعام پر عمل  کیجئے،مدنی کاموں میں 2 گھنٹے دینے کا طریقہ یہ ہے کہ ہم روزانہ 2 درس گھر اور مسجد میں دیں یا سُنیں۔دکانوں اور گھروں پر جا کر انفرادی کوشش کر کے اسلامی بھائیوں کو ہفتہ وار سنتوں بھرے اجتماع کیلئے تیار کریں۔ ان اسلامی بھائیوں پر انفرادی کوشش کریں جو پہلے آتے تھے اب نہیں آتے یا سُست ہو گئے ہیں۔ہر ماہ تین دن کے مدنی قافلے کے لئے اپنے ساتھ دوسرے اسلامی بھائیوں کو بھی سفر کے لئے تیار کریں۔اس مدنی انعام پر عمل کی برکت سے زیادہ سے زیادہ ثواب جمع کرنے کا موقع ملے گا،اس مدنی انعام پر عمل کی برکت سے دعوتِ اسلامی کی تشہیر و نیک نامی ہوگی،اس مدنی کام پر عمل کی برکت سے علاقے میں مدنی کاموں کی دھومیں مچ جائیں گی،اس مدنی انعام کی برکت سے نئے نئے اسلامی بھائی تیار ہوں گے،اس مدنی انعام پر عمل کی برکت سے مدنی قافلوں کی ریل پیل