(وسائلِ بخشش مرمم،ص۵۵۳)

سُلطانِ وِلایت         غَوْثِ پاک          وَلیوں  پہ حکومت          غَوْثِ پاک

شَہبازِ خِطابَت          غَوْثِ پاک          فانُوسِ ہِدایَت             غَوْثِ پاک

٭مَرحبا یا غَوْثِ پاک٭مَرحبا یا غَوْثِ پاک٭مرحبا یا غَوْثِ پاک

صَلُّوْا عَلَی الْحَبِیْب!                              صَلَّی اللّٰہُ تَعَالٰی عَلٰی مُحَمَّد

میٹھےمیٹھےاسلامی بھائیو!بَیان کردہ حِکایت اپنے اندر بہت سے مَدَنی پُھول سَموئے ہوئے ہے مَثَلاًہمارے غَوْثِ پاک رَحْمَۃُ اللّٰہ ِتَعَالٰی عَلَیْہ  پابندِ سُنّت تھےکہ آپ دیگر سُنَّتوں پرعمل پیرا ہونے کے ساتھ ساتھ بیماروں کی عِیادت کرنے والی سُنّت ادا فرماتےتھے،لہٰذا ہمیں چاہئے کہ ہم بھی غَوْثِ پاک رَحْمَۃُ اللّٰہ ِتَعَالٰی عَلَیْہ  کے نَقْشِ قَدَم پر چلتے ہوئے مریضوں کی عِیادت والی اِس سُنّت کو اپنائیں۔

اَلْحَمْدُلِلّٰہ عَزَّ  وَجَلَّکُتُبِ اَحادِیْث میں کئی مقامات پر بیمار کی عِیادت کرنے کے عَظِیْمُ الشَّان فضائل بَیان ہوئے ہیں۔آئیے!بطورِ تَرْغِیْب تین(3)فَرامینِ مُصْطَفٰے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ سُنتے ہیں چُنانچہ

(1)مُسَلمان جب اپنے مُسَلمان بھائی کی عِیادت کرتا ہےتو وہ(اُس کے پاس سے)لوٹ آنے تک جنّت کےباغ میں  رہتا ہے۔(مسلم، کتاب البرّ والصلۃ والآداب،باب فضل عیادۃ المریض،ص ۱۰۶۵، حدیث: ۲۵۶۸)

(2)جو مُسَلمان صُبْح کے وَقْت کسی مُسَلمان  کی عِیادت کرے توستّر ہزار(70000) فِرِشْتے اُسے شام تک دُعائیں دیتے ہیں اورجو شام کے وَقْت عِیادت کرے تو صُبْح تک ستّر ہزار(70000) فِرِشْتے اُسے دُعائیں دیتے ہیں اور اُس کےلیےجنّت میں  باغ ہوگا۔(ترمذی، کتاب الجنائز عن رسول اللہ، باب ما جاء فی عیادۃ المریض، ۲/۲۹۰،  حدیث:۹۷۱)

(3) جو اچّھی طرح وُضُوکرے اورطَلَبِ ثَواب کےلیےاپنے مُسَلمان  بھائی کی بیمار پُرسی کرے تو ستّر(70)سال کے فاصِلے پر دَوزَخ سے دُور رکھا جائے گا۔(ابوداود،کتاب الجنائز،باب فی فضل العیادۃ علی