صَدَقَ اللہُ الْعَظِیْم وَ صَدَقَ رَسُوْلُہُ النَّبِیُّ الْکَرِیْم صلّی اللہ ُ عَلَیْہِ وَ آلِہٖ وَسَلَّم

ترجموڪنزُ العرفان: دل ان جو انڪار نه ڪيو جيڪو (اک) ڏٺو پوءِ ڇا توهان ان سان ان جي ڏٺل تي جهڳڙو ڪيو ٿا ۽ ان ته اهو جلوو ٻيهر ڏٺو.

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

دنيا جو سڀ کان ڊگهو..! پر مختصر ترين سفر

   پيارا اسلامي ڀائرو! منهنجي ۽ اوهان جي پياري پياري آقا، مڪي مدني مصطفيٰ، معراج جي گهوٽ صَلَّى اللهُ عَلَيْهِ وَاٰلِهٖ وَسَلَّم جو سفرِ معراج دنيا جو سڀ کان ڊگهو ۽ نهايت ئي مختصر سفر آهي. هي مبارڪ سفر ڊگهو ته ايترو آهي جو پاڻ صَلَّى اللهُ عَلَيْهِ وَاٰلِهٖ وَسَلَّم مڪي شريف کان هليا، مسجدِ اقصى تشريف وٺي آيا، پوءِ اتان کان پهرين آسمان تي، پوءِ ٻئين، ٽئين، چوٿين، پنجين، ڇهين ۽ ستين آسمان تي پهتا، اتان کان سدرة المنتھى تشريف کڻي آيا، پوءِ ان کان اڳتي مقامِ مستوى، پوءِ عرشِ عُلى، پوءِ ان کان اڳتي مقامِ دنى (يعني لامڪان) تي تشريف کڻي ويا. هي لَکَين ڪلوميٽرن جو سفر آهي. بلڪه آسمانن جو جيڪو سفر آهي، سائنس ۾ ان جي پيمائش روشني جي رفتار سان ڪئي ويندي آهي. سائنسي تحقيق مطابق ان وقت تائين ڪائنات ۾ سڀ کان تيز رفتار شيءِ روشني آهي. روشني هڪ سيڪنڊ ۾ 3 لک ڪلوميٽر جو فاصلو طئي ڪندي آهي ۽ سج جي روشني کي زمين تائين پهچڻ ۾ 8.3 منٽ لڳندا آهن ، يعني سج کان زمين تائين 14 ڪروڙ 94 لک ڪلوميٽر جو فاصلو آهي، پوءِ سج اڃا پهرين آسمان کان به هيٺ آهي، سيدي اعلى حضرت رَحْمَةُ الـلّٰـهِ عَـلَيْه فرمائن ٿا: زمين کان سدرةُ المنتھى جو فاصلو 50 هزار سالن جو رستو آهي، ان کان اڳتي مستوى، ان کان پوءِ کي الله پاڪ ڄاڻي، ان کان اڳتي عرش جا 70 حجاب آهن، هر حجاب کان ٻئي حجاب تائين 500 سالن جو فاصلو آهي.^[1] هي ڪل ملائي 35 هزار سالن جو فاصلو ٿيو، 35 هزار سالن جو رستو هي، 50 هزار سالن جو