صَدَقَ اللہ الْعَظِیْم وَ صَدَقَ رَسُوْلُہٗ النَّبِیُّ الْکَرِیْم صَلَّی اللہ عَلَیْہِ وَ آلِہٖ وَ سَلَّم

ترجمهٴ کنزُ العِرفان: زړۀ هغې ته دروغ اونۀ وئيل څۀ چې (سترګو) وليدل، نو آيا تاسو هغۀ سره د هغه پۀ ليدلي شوي جګړه کوئ، او هغۀ خو هٰغه نظاره [جلوه] دوه ځله وليدله۔

صَلُّوا عَلَی الْحَبیب!                    صَلَّی اللّٰہُ عَلٰی مُحَمَّد

د دُنيا د ټولو اوږد۔۔۔! خو د ټولو نه مختصر سفر

خوږو او محترمو اِسلامي وروڼو! زمونږه او ستاسو د خوږ آقا و مولا، مکي مَدَني مصطفٰے صَلَّی اللہ عَلَیْہِ وَ آلِہٖ وَ سَلَّم د معراج سفر د دُنيا د ټولو نه اوږد او ډير مختصر سفر دے۔ دا مبارک سفر اوږد خو دومره دے چې نبي کريم صَلَّی اللہ عَلَیْہِ وَ آلِہٖ وَ سَلَّم د مکے مکرمې نه روان شو، مسجدِ اقصیٰ ته يـې تشريف يوړلو، بيا د هٰغه ځائے نه وړومبي اسمان ته، بيا دويم، دريم، څلورم، پينځم، شپږم او اوؤم اسمان ته لاړو، د هلته نه يـې سِدرَةُ المُنتَهیٰ ته تشريف يوړلو، بيا د هٰغه ځائے نه مقامِ مُستویٰ، بيا عرشِ عُلیٰ، بيا يـې د هٰغه ځائے نه مقامِ دَنیٰ (يعنې لامکان) ته تشريف يوړلو۔ دا پۀ لکونو کلوميټره سفر دے۔ بلکې د اسمانونو چې کوم سفر دے، پۀ سائنس کښې د دې پيمائش د رڼا پۀ رفتار سره کيږي۔ د سائنسي تحقيق مطابق دا وخت پۀ کائنات کښې د ټولو نه زيات رفتار د رڼا دے۔ رڼا پۀ يو سيکنډ کښې 3 لاکهه کلوميټره مزل کوي او د نمر د رڼا زمکې ته پۀ رارسيدو کښې 8.3 منټه لګي، يعنې د نمر نه د زمکې پورې فاصله 14 کروړه 94 لاکهه کلوميټره ده، بيا نمر هم د وړومبي اسمان نه ډير ښکته دے، اعلیٰ حضرت، امامِ اهلِسُنَّت امام احمد رضا خان رَحْمَةُ اللهِ عَلَيْه فرمائي: د زمکې نه د سِدرَةُ المُنتهیٰ فاصله د 50 زره