فرامینِ مصطفےٰصلی اللہ عَلَیْہِ وَ آلِہٖ وَسَلَّم 

اَوَّابین کے بارے میں پیارے آقا مکی مدنی مصطفٰے  صلی اللہ عَلَیْہِ وَ آلِہٖ وَسَلَّم  نے فرمایا : جو مغرب کے بعد  6 رکعتیں اس طرح ادا کرے کہ ان کے درمیان کو ئی بُری بات نہ کہے تو یہ 6رکعتیں 12سال کی عبادت کے برابر ہوں گی۔^([1])

مختصر شرح :یادرکھئے! اس حدیث پاک میں 12 سال کی عبادت کے برابر ہونے سے مراد ہے کہ یہ 6 رکعتیں پڑھنے سے 12 سال کی عبادت کا ثواب ملے گا ،یہ مطلب ہرگز نہیں کہ یہ 6 رکعتیں 12 سال کے فرائض وواجبات کےمتبادل ہوگی اور   مَعاذَ اللہ !12 سال تک نماز سے بے پرواہی برتی جائے۔ ^([2])

صلاۃُ الضُحیٰ (اشراق وچاشت)کے بارے میں پیارے آقا مکی مدنی مصطفٰے  صلی اللہ عَلَیْہِ وَ آلِہٖ وَسَلَّم  نے فرمایا : اللہ پاک فرماتا ہے :اے ابن آدم! تو میرے لیے دن کے شروع میں( صلاۃُ الضُحٰی یعنی اِشراق وچاشت کی ) 4 رکعتیں پڑھ ، میں دن کے آخر تک تجھے کافی ہوں گا ،یعنی تمہاری حاجات پوری اور پریشانیاں دور کروں گا۔^([3])

اَوَّابین  اور اِشراق  و چاشت کے متعلق احکام

(1):  اَوَّابین  ^([4])اور اِشراق ،چاشت کی نماز مُسْتَحب ہے۔ ^([5]) (2):  سورج طلوع ہونے کے بعد 20 منٹ تک اِشراق وچاشت یا کوئی نماز پڑھنا مکروہ ہے۔ ^([6])  لہٰذا  اِشراق کی نماز سورج طلوع ہونے کے 20 منٹ بعد پڑھی جائے ۔