سیکھنے سِکھانے کے حلقوں کا جدول

(1):مختلف مَوضوعات پرمختصربیان:5منٹ (2):دُعا یاد کرنا:5 منٹ (3):جائزہ :5 منٹ۔کُل دورانیہ:15منٹ

آج کے سیکھنے سکھانے کے حلقوں میں 72 نیک اعمال میں سے ایک نیک عمل اَوَّابین اور اِشراق وچاشت پڑھنے کے متعلق مفید ترین معلومات دی جائیں گی اور فرض نماز کے بعد کی دعا یاد کروائی جائے گی۔آخر میں نیک اعمال کے رسالے سے اجتماعی جائزہ لیا جائے گا۔اِنْ شاۤء اللہ الکَرِیْم !

دُرُود شریف کی فضیلت

فرمانِ آخری نبی، رسولِ ہاشمی صلی اللہ عَلَیْہِ وَ آلِہٖ وَسَلَّم:جو مجھ  پرروزِ جمعہ درود پاک پڑھے گا میں اس کی قیامت کے دن شفاعت کروں گا۔^([1])

صَلُّوْا عَلَی الْحَبیب!                                                                   صَلَّی اللّٰہُ عَلٰی مُحَمَّد

اَوَّابین اور اِشراق وچاشت پڑھنا

امیر اہلسنت دَامَتْ بَرَکَاتُہُمُ الْعَالِیَہ نے  ہمیں سوالات کی صورت میں نیک اعمال کا رسالہ عطا فرمایا ہے تاکہ ہم ان نیک اعمال کو اپنا کر اللہ پاک کا قرب حاصل کر سکیں۔ آج ہم72 نيك اعمال كے رسالے سے  نیک عمل نمبر :34 کے بارے میں سیکھیں گے ۔

نیک عمل نمبر 34:کیا آج آپ نے اَوَّابین یا اِشراق وچاشت کے نوافل پڑھے ؟^([2])

اَوَّابین کسے کہتے ہیں؟

نماز ِمغرب کے بعد 6 رکعتیں پڑھنے کو صلاۃُ الاَوَّابین (یعنی اَوّابین کی نماز )  کہتے ہیں ۔^([3])