وضاحت:رات کو 2 طرح کے نوافل پڑھے جاتےہیں  (1):عشا پڑھنے کے بعد بغیر سوئے نوافل پڑھنا اسے صلٰوۃُ الَیْلْ  (رات کی نماز)کہتے ہیں (2):عشاپڑھ کر کچھ سونا اور فجر سے پہلے اُٹھ  کر  نفل پڑھنا، اسے تَہَجُّد کہتے ہیں ۔تَہَجُّدکے  لیے عشاپڑھ کر سونا ضروری ہے  * اگر سویا نہیں تو  رات میں جو نفل پڑھے گا وہ تَہَجُّدنہیں ،صَلوٰۃُ الَیْلْ (رات کی نماز)ہے   * یونہی عشاپڑھے بغیر سونا رات کو اُٹھ کر نفل پڑھنا بھی  نمازِ تَہَجُّدنہیں ہے ۔ ^([1])

آیت مبارکہ

تَتَجَافٰى جُنُوْبُهُمْ عَنِ الْمَضَاجِعِ یَدْعُوْنَ رَبَّهُمْ خَوْفًا وَّ طَمَعًا (پارہ:21 ،السجدہ :16)

تَرْجَمۂِ کَنْزُ الْعِرْفَان : ان کی کروٹیں ان کی خوابگاہوں سے جدا رہتی ہیں اور وہ ڈرتے اور امید کرتے اپنے رب کو پکارتے ہیں ۔

اس   آیت میں  ایمان والوں کے اوصاف بیان   کیے جا رہے ہیں : * وہ رات کو اپنی نیند اور بستروں کو چھوڑ کر  نمازِ تَہَجُّدادا کرتے ہیں * اللہ پاک  کے عذاب سے ڈرتے اور * اس کی رَحمت کی امید کرتے ہوئے اُسے پکارتے ہیں ۔^([2])

فرمانِ مصطفےٰ صلی اللہ عَلَیْہِ وَ آلِہٖ وَسَلَّم   

كیا میں تمہیں بھلائی کے دروازے نہ بتاؤں؟اورفرمایا:(1):روزہ ڈھال (Shield)ہے (2):صدقہ گناہوں کو ایسے مٹا دیتا ہے جیسے پانی آگ کو  اور(3):  بندے کا درمیانی رات کو قیام کرنا یعنی نمازِ تَہَجُّدپڑھنا ۔ ^([3]) ایک حدیث پاک کے مطابق فرض نمازسن كئ بعد کے بعد سب سے افضل نماز تَہَجُّد ہے ۔^([4])