ساتئ! د جنازې نمونځ فرضِ کفايه دے (يعنې که يو څو کسانو اوکړو نو د ټولو نه فرض ادا شو، او که هيچا هم اونه کړو نو چا چا ته چې خبر رسيدلے وو، ټول ګناهګار شول) ^([1]) او تر ښخولو پورې ورسره پاتې کيدل افضل دي ^([2]) ۞په حديث شريف کښې دي: *څوک چې د جنازې سره لاړو،د جنازې نمونځ يې اوکړو او تر ښخولو پورې ورسره پاتې شو، د هغه دپاره 2 قيراطه ثواب دے * او چا چې صرف د جنازې نمونځ اوکړو (تر ښخولو پورې ورسره پاتې نه شو) د هغه دپاره يو قيراط ثواب دے (وضاحت: يو قيراط د اُحد غر برابر دے) ^([3])*په يو روايت کښې دي: د مؤمن د جنازې نمونځ کوونکي اوبخښلے شي. ^([4])

دريم حق: تَشْمِيْتُ الْعَاطِس (د پرنجي جواب ورکول).

وضاحت: *که مسلمان پرنجے وکړي او الْحَمْدُ لِلهِ اووائي نو په اوريدونکي باندې په جواب کښې يَرْحَمُكَ اللهِ وئيل واجب دي *د پرنجي جواب فوراً او په دومره آواز کښې ورکول واجب دي چې پرنجے کوونکے يې واوري *صرف د وړومبي پرنجي جواب واجب دے که بيا پرنجے وکړي نو بيا جواب واجب نه دے بلکه مستحب دے. ^([5])

   د پرنجي د جواب ورکولو طريقه: څوک چې پرنجے وکړي هغه له پکار دي چې الْحَمْدُ لِلهِ اووائي، بهتره دا ده چې الْحَمْدُ لِلَّهِ رَبِّ الْعَالَمِین اووائي او اوريدونکې دې د هغې په جواب کښې داسې اووائي: يَرْحَمُكَ الله بيا دې پرنجے کوونکے اووائي: يَغْفِرُ اللهُ لَنَا وَلَكُم ^([6])