Book Name:Hum Nay Karbala Se Kia Seekha
کام میں وہ رقم خرچ کردیجئے۔ )
اے عاشقانِ رسول ! پکے سچے حسینی بننے اور امام حسین رَضِیَ اللہ عنہ کی سیرتِ پاک کا فیضان حاصِل کرنے کے لئے عاشقان رسول کی دینی تحریک دعوتِ اسلامی کے ساتھ وابستہ ہو جائیے۔ دعوتِ اسلامی کے 12 دِینی کاموں میں بھی خوب بڑھ چڑھ کر حِصَّہ لیجئے ، نیک اعمال پر عمل اور مدنی قافلوں میں سفر کیجئے ، اِنْ شَآءَ اللہ الْکَرِیْم ! امام حُسَیْن رَضِیَ اللہ عنہ کا فیضان نصیب ہو گا اور دِیْن و دُنیا کی ڈھیروں بھلائیاں ہاتھ آئیں گی۔ شیخ طریقت امیر اہلسنّت کے دامت بَرَکاتُہمُ العالیہ عطا کردہ ” 72 نیک اعمال “ میں دوسرا نیک عمل یہ ہے کہ کیا آج آپ نے پانچوں نمازیں جماعت سے ادا کیں ؟ اس نیک عمل پر عمل کرنے کی برکت سے ہم نمازوں کے پابند بن جائیں گے۔ پیارے اسلامی بھائیو ! کلمہ پڑھنے کے بعدنماز ہر مسلمان پر پہلا فرض ہے امام حسین رَضِیَ اللہ عنہ نے حالت جنگ میں بھی نماز کو نہ چھوڑا ہم خود کو حسینی کہتے ہیں تو ہمیں چاہیے کہ نمازوں کی پابندی بھی کریں۔
صَلُّوْا عَلَی الْحَبیب ! صَلَّی اللّٰہُ عَلٰی مُحَمَّد
پیارے پیارے اسلامی بھائیو ! آئیے بانیِ دعوتِ اسلامی ، شیخِ طریقت ، امیرِاہلسنَّت دَامَتْ بَرَکاتُہُمُ الْعَالِیَہکے رسالے’’163 مدنی پھول ‘‘ سے لباس کے چند مدنی پُھول سُنتے ہیں ۔ فرمان ِ مصطَفٰے صَلَّی اللّٰہُ عَلَیْہِ واٰلہٖ وسلَّم ہے : * جِنّ کی آنکھوں اورلوگوں کے سِتْرکے درمیان پَردَہ یہ ہے کہ جب کوئی کپڑے اُتارے تو بِسْمِ اللہ کہہ لے۔ ( اَلْمُعْجَمُ الْاَ وْسَط ، ۲ / ۵۹ ، حدیث : ۲۵۰۴ )