د آخِرت د پاره کوشش اوکړئ!

خوږو او محترمو اسلامي ورونړو! يوه بَله خبره عرض کړم؟ دلته ډير داسې خلق دي کوم چې د کافِرانو اوچتې اوچتې ودانئ (آبادئ/کورونه) او د عيش او آرام ژوند ته ګوري او خفه کيږي حالانکه مونږه مسلمانان يو، زمونږه په يو لحاظ سره هم د کافِرانو سره څه موازنه نشي کيدے۔ دا (هر څه) الله پاک تقسيم کړي دي او دا ډير زبردست، بهترين او په هر لحاظ سره ښه تقسيم دے چې د کافِرانو د پاره دنيا ده، زمونږ د پاره آخِرت دے۔ دنيا خو د يو څو ورځو ده، ډيره زر به ختمه شي خو آخِرت به هميشه باقې وي۔ په 15 سيپاره سورۀ بني اِسرائيل، آيت: 18 او 19 کښې ارشاد دے:

مَنۡ کَانَ یُرِیۡدُ الۡعَاجِلَۃَ عَجَّلۡنَا لَہٗ فِیۡہَا مَا نَشَآءُ لِمَنۡ نُّرِیۡدُ ثُمَّ  جَعَلۡنَا لَہٗ جَہَنَّمَ ۚ یَصۡلٰىہَا مَذۡمُوۡمًا مَّدۡحُوۡرًا (۱۸) وَ مَنۡ اَرَادَ   الۡاٰخِرَۃَ  وَ سَعٰی لَہَا سَعۡیَہَا وَ ھُوَ مُؤۡمِنٌ فَاُولٰٓئِکَ کَانَ سَعۡیُہُمۡ  مَّشۡکُوۡرًا (۱۹)

(پاره: 15، سورۀ بني اسرائيل: 18، 19)

ترجمۀ کنزُ الايمان: څوک چې د تادئ والا (دنيا) غواړي نو مونږه چې چا له اوغواړو د هغوئي د پاره په دنيا کښې چې څه غواړي زر ورکړو بيا مونږه د هغوئي د پاره دوزخ جوړ کړے دے کوم ته چې به هغوئي رټلے شوي رَد کړے شوي داخليږي۔ او څوک چې آخِرت غواړي او د هغې د پاره داسې کوشش کوي لکه څنګه چې پکار دے او هغوئي ايمان والا هم وي نو دا هغه خلق دي د چا د کوشش قدر چې به کولے شي۔

اے د جنّت غوښتونکو خوږو او محترمو اسلامي ورونړو! فيصله مونږ ته پخپله کول دي، زمونږه دنيا پکار ده که آخِرت۔۔۔؟ که چرې مونږ آخِرت غواړو، که چرې مونږه د آخِرت په هميشه باقي پاتې کيدونکي ژوند کښې آرام او سکون او د جنت نعمتونه غواړو او يقيناً هر مسلمان به هم دا غواړي نو مونږ له به د دې تيارے کول وي، د دې د پاره به د دنيا نه نظر اَړَوَل وي او د الله پاک د رضا والا کارونه به کول وي۔

د آخِرت فِکر به څنګه ميلاويږي۔۔۔؟

د آخِرت تيارے به څنګه کيږي؟ د آخِرت د فِکر په ذريعه۔ کيدے شي چې زمونږه د ټولو تجربه شوې وي، مونږ هغه کارونه کولے شو د کومو طرف ته چې زمونږ پام وي، د کوم کار طرف ته چې پام نه وي که هغه هر څومره اهم کار ولې نه وي، مونږه ئې هيروو، ياد ئې نشو ساتلے۔ ځکه که چرې آخِرت پکار وي، د آخِرت تيارے کول وي نو د آخِرت فِکر به خپلول وي * چې مونږه د آخِرت په حالاتو باندې غور کوو * د قبر * د حشر *