د آخرت د فِکر نه لرلو بعضې وَجې

خو افسوس! * د دنيا محبت * د مال او دولت حِرص * په فضولياتو کښې مشغولتيا * د عزّت او مشهورتيا او منصب هَوَس * د ګناهونو زياتوالے * او اوږدو اوږدو اُمِّيدونو مونږه غافِله کړي يو، په زړه باندې د غفلت پردې پرتې دي او مونږه د آخِرت د فِکر نه ډير لرې يو، بس د دنيا د مستقبل ښه کولو په فِکر کښې شپې او ورځې تيروو۔

   * مونږ ته په يقين سره دا معلومه ده چې مونږ ته يوه ورځ مړه کيدل دي خو مونږه د مرګ تيارے نه کوو * مونږ ته معلومه ده چې قبر ته کوزيدل دي خو زمونږ سره د قبر د تيرې، د يواځې والي او د وحشت فِکر نه وي * مونږه مسلمانان يو، زمونږه يقين دے چې د قيامت په ورځ به مَړي راپاڅولے شي * مونږ ته معلومه ده چې د قيامت ورځ ډيره وحشتناکه ده * آه! هغه سرَه شوې زمکه * اور وروونکے لمر * هئي! هئي! هغه د دوزخ وحشتونه * آه! په تيَرو کښې ډوب، د ويښته نه نَرے، د تورې نه تيره پل صراط * آؤ! هغه د عمل تَله په کومه چې به د قيامت په ورځ عملونه تَللے شي * آه! زمونږه عمل نامه، په کومه کښې چې به هر يو وړوکے او غټ عمل درج وي * د قيامت په ورځ به د مخلوق په مخکښې زمونږه عمله نامه پرانستلے شي * د جَبّار او قَهَّار رَبّ په بارګاه کښې به حاضري کيږي * د يو يو نعمت، د هر يو عمل په باره کښې به پوښتنه کولے شي۔

مونږ ته د دې هر څه پته ده، منو ئې، په دې باندې يقين هم لرو خو افسوس! زمونږ سره فِکر نه وي * مونږه په دنيا کښې داسې ورَک شو لکه چې هډو مړه کيدل نشته * د آخِرت د فِکر نه زړه خالي دے * د الله پاک نه ويره * د قبر ويره * د آخِرت فِکر هيڅ هم نشته * بس د دنيا په رنګينو کښې مَست * يو عارِضي بلکه د کوم د راتلو چې يقين هم نشته، د داسې مستقبل په فِکر کښې شپې او ورځې تيروو۔ آه! دا غفلت۔۔۔!!

دِل سے مرے دُنیا کی محبّت نہیں جاتی                سرکار! گُنَاہوں کی بھی عادَت نہیں جاتی

دِن رات مسلسل ہے گُنَاہوں کا تسلسل            کچھ تم ہی کرو نا یہ نحوست نہیں جاتی

گو پیشِ نظر قبر کا پُرھول گڑھا ہے                         افسوس! مگر پھر بھی یہ غفلت نہیں جاتی^([1])

صَلُّوۡا عَلَى الۡحَبِيۡب                 صَلَّى اللّٰهُ عَلٰى مُحَمَّد