والا د ګرمئ روژے هُم نيسي خو عموماً خواهش ئې دا وي چې كاش! رَمَضَانُ المُبارَك په يخنئ كښې راتلے نو آساني به وے. د صحابۀ كرامو عَلَيْهِـمُ الـرِّضْوان طبيعت د دې برخلاف وو، هغوئي (عَلَيْهِـمُ الـرِّضْوان) به د ګرمئ روژے ډيرې زياتې خوښولې، اَمِيرُ المُؤمِنِين حضرت عَلِـىُّ المُرتضٰى رَضِیَ الله عَنْه فرمائي: زما درې څيزونه ډير زيات خوښ دي، په هغې كښې يو صِیَامُ الصَّیْف يعني د ګرمئ روژے نيول دي. ^([1])

د ګرمئ د روژو فائدے

     كه اوګورئ! نو د ګرمئ د روژو ډيرې فائدے دي: *روژه نيول عبادت دے او په ګرمئ كښې مونږ ته د زيات وخته پورې د روژے نيولو سعادت نصيب كيږي، * په ګرمئ كښې عموماً د 15 نه 16 ګينټو روژه وي خو په يخنئ كښې عموماً د 11 نه 12 ګينټو روژه وي، يعنې په ګرمئ كښې مونږه د شپې او ورځې اكثره حصه په روژه يُو او په عبادت كښې ئې تيروو او په يخنئ كښې كمه حصه د روژے په عبادت كښې تيريږي، * د روژه دار اندامونه تسبيح كوي، نو د ګرمئ په روژو كښې به زمونږ اندامونه د زيات وخته پورې تسبيح كوي، * د روژه دار د پاره د درياب مهيان د بخښنې دُعاګانې كوي، د ګرمئ په روژو كښې مونږ ته د زيات وخته پورې د بخښنې دا دُعاګانې نصيب كيږي، * صبر كوونكي ته د الله پاك مدد نصيب كيږي، په قرآنِ مجيد كښې ارشاد دے:

اِنَّ اللّٰهَ مَعَ الصّٰبِرِیْنَ(۱۵۳) (پارہ:2،البقرۃ:153)         

مفهوم ترجمہ کنز الایمان: بيشكه الله د صبر كوونكو سره دے.