ټوقې] په طور فقير ته اووئيل: دا ټاټ دِ په څو اخستے دے؟ هغه فقير اووئيل: دا ټاټ ما د دُنيا په بدله كښې اخستے دے او ما ته اُووئيل شو چې د آخرت په بدله كښې ئې خرڅ كړه نو ما دا خرڅ نه كړو.

    مطلب دا چې ما دا ټاټ د الله د رضا د پاره اغوستے دے، اوس د دې په بدله كښې دُنيا څه چې که جَنَّت هم ميلاويږي نو پرې راضي نه يم ځكه چې ما ته جَنَّت جوړولو والا الله پاك پكار دے. ^([1])

     دا دے اصل فقر، دا فقر چې كله بنده ته نصيب شي نو ”مسلمان سره د خير ښيګړې“ جذبه د هغه په زړه كښې پخپله پيدا كيږي. سيده كائنات حضرت فاطِمَةُ الزَّهراء رَضِیَ الله عَنْهَا د دې معنې په لحاظ سره په ”فقر“ كښې كمال لرلو.

     حضرت شيخ سلطان باهو رَحْمَةُ اللهِ عَلَيْه فرمائي: د فَقر آخري درجے ته چې انسان اورسي نو ” فَنَافِـى الله“ شي، بيا ئې حالت دا وي چې ” لَایَحْتَاجُ اِلیٰ رَبِّہٖ وَلَا اِلیٰ غَیْرِہٖ “يعنې بيا بنده نه د خپل ربّ نه د خپل ځان د پاره څه غواړي او نه د هغه علاوه د چا نه څه حاجت لري بلكه الله پاك ئې چې په كوم حالت ساتي په هغې خوشحاله اوسي. شيخ سلطان باهو رَحْمَةُ اللهِ عَلَيْه نور فرمائي: كوم خلق چې د فقر دې آخري درجے ته رسيدلي دي په هغوئي كښې د ټولو نه غټ نوم د خاتونِ جَنَّت فاطِمَةُ الزَّهراء رَضِیَ الله عَنْهَا دے.

د فاطِمَةُ الزَّهراء رَضِیَ الله عَنْهَا د خىر ښيګړې جذبه

    حضرت امام حَسَن رَضِیَ الله عَنْه د خاتونِ جَنَّت رَضِیَ الله عَنْهَا مشر شهزاده دے، هغوئي رَضِیَ الله عَنْه فرمائي: ما به خپله والده محترمه رَضِیَ الله عَنْهَا ليدله چې د مسجدِ بيت په محراب (يعنې په