Book Name:Sarkar ﷺ ki Jawani Ke Waqeaat
حضرت سَیِّدَتُنا بی بی خدیجہ رَضِیَ اللہُ تَعَالٰی عَنْہَا انتہائی شریف خاتون تھیں ۔اَہلِمَکَّہ آپ رَضِیَ اللّٰہُ تَعَالٰی عَنْہا کی پاک دامَنی کی وجہ سے آپ کو طاہِرہ (پاکباز) کہا کرتے تھے۔سَردارانِ قُرَیْش آپ کے ساتھ نِکاح کے خواہِش مَنْد تھے لیکن آپ نے سب کے پیغاموں کو ٹھکرا دیا۔مگر حُضورِ اَقْدَس صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے اَخلاق و عادات کو دیکھ کر اور آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے حیرت اَنگیز حالات کوسُن کر خُود بَخُود آپ کے دِل میں نَبِیِّ اَکْرَم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ سے نِکاح کی رَغْبَت پیدا ہو گئی۔ چُنانچہ آپ رَضِیَ اللّٰہُ تَعَالٰی عَنْہا نے حُضور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی پُھوپِھی حضرت سَیِّدَتُنا صَفِیَّہرَضِیَ اللہُ تَعَالٰی عَنْہَاکو بُلایا اور اُن سے حُضور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے کچھ ذاتی حالات کے بارے میں مَزِیْدمَعلومات حاصِل کیں پھر حضرت سَیِّدَتُنا نَفِیْسَہ بِنْتِ اُمَیَّہ“ کے ذَرِیْعے خُود ہی حُضور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے پاس نکاح کا پیغام بھیجا۔مَشہور سِیْرَت نِگار حضرت امام اِبنِ اِسْحٰق نے لکھا ہے کہ اِس رشتے کو پسند کرنے کی وجہ حضرت سَیِّدَتُنا خدیجہ رَضِیَ اللّٰہُ تَعَالٰی عَنْہا نے حُضور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ سے یہ بَیان کی ہے کہ میں نے آپصَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کو آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے اچھے اَخلاق اور آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی سچائی کی وجہ سے پسند کیا۔ (شرح زرقانی ، تزوجہ من خدیجۃ،۱/ ۳۷۰۔۳۷۴ملخصاً)
تِرا خُلْق سب سے بالا تِرا حُسْن سب سے اعلیٰ فِدا تُجھ پہ سب زمانہ مَدَنی مدینے والے
(وسائل بخشش مرمم،ص۴۲۵)
مختصر وضاحت:اے مدینے والے آقا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ!آپ کے اخلاقِ کریمہ سب سےاچھے اور آپ کا مبارک حُسن سب سے بڑھ کر،آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کا حُسن مبارک ایسا ہے کہ اے مدینے والے آپ پر سب زمانہ فِدا ہے،نثارہے۔
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد