سَنور جائے گی آخِرت اِنْ شَآءَ اللہ       تم اپنائے رکھو سَدا مَدَنی ماحول

گنہگارو آؤ، سِیَہ کارو آؤ                  گُناہوں کو دیگا چُھڑا مَدَنی ماحول

(وسائلِ بخشش مرمم،ص۶۴۶تا۶۴۸)

صَلُّوْا عَلَی الْحَبِیْب!                                             صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!ہمارےبُزرگانِ دِین رَحْمَۃُ اللّٰہ ِتَعَالٰی عَلَیْہِم اَجْمَعِیْن نے اپنے اَخلاق کی بدولت جس طرح بھُولے بھٹکے لوگوں کی اِصلاح کا فَریضہ سَراَنجام دِیا وہ اپنی مثال آپ ہے۔اَلْحَمْدُ لِلّٰہ عَزَّ  وَجَلَّ اِصلاحِ اُمّت اور  نیکی کی دعوت کا یہ مُبارَک سِلْسِلہ اب بھی جاری و ساری ہے اور آج کے اِس پُرفِتَن دور میں بھی ایسی کئی نیک ہستیاں اِس دُنیا میں جَلْوَہ گَر ہیں کہ جِن کے عُمدہ اَخلاق کی بَرَکت سے بے شُمار لوگوں کی اِصلاح ہوئی اور غیر مسلموں(Non muslims)نے اِسلام قَبول کیا۔اِنہی ہستیوں میں سے پندرھویں صَدِی کی عظیم عِلْمی و رُوحانی شَخْصِیَّت،شَیْخِ طَرِیْقَت،امِیرِ اَہلسنّت، بانیِ دعوتِ اسلامی حضرت علامہ مولانا ابو بلال محمد الیاس عطّار قادِرِی رَضَوِی ضِیائی دَامَت بَرَکاتُہُمُ العَالِیَہ کی ذاتِ بابَرَکات بھی ہے کہ جن کی شب و روز کوشِشوں اورعُمدہ اَخلاق کی بدولت کثیر لوگوں کی زِندگیوں میں مَدَنی اِنقلاب برپا ہوچکا ہے۔جی ہاں!اس کی مثال اگر اپنی آنکھوں سے دیکھنی ہوتودعوتِ اسلامی کا مدنی ماحول دیکھ لیجئے،دُنیا بھرکے ہرہفتہ وارسُنّتوں بھرے اجتماعات و مدنی مذاکرہ اجتماعات میں جمع ہونے والے ہزاروں  عاشقانِ رسول کا ٹھاٹھیں مارتا سمندراِس بات کی دلیل ہے کہ یہ کسی عظیم ہستی کا فیضان ہے،جی ہاں!میں قربان جاؤں،امیرِ اہلسنت،بانیِ دعوتِ اسلامی کے اَخلاقِ کریمہ پر،یہ یقیناً فیضانِ اَخلاقِ مصطفےٰ ہے کہ امیرِ اہلسنت بانیِ دعوتِ اسلامی کے ہاتھوں ایسے نہ جانے کتنے لوگوں نے گناہوں سے توبہ کی ہے کہ جو کل تک تو معاشرے کے دُھتکارے ہوئے کہلاتے تھے،لیکن آج ان کوامیرِ اہلسنت کے دامنِ شفقت نے چھپایا ہوا ہے،آپ کےاعلیٰ حُسنِ اخلاق کی مبارک کِرنیں جب کسی بے نمازی پر پڑیں تو اُسے نہ صرف نمازی بنادیا بلکہ اِمامت کے مُصلّے پر کھڑا کردِیا،جس کوخوددُرست قرآنِ کریم پڑھنا نہیں آتا تھا،آپ کے اعلیٰ حُسنِ