قَالَ اللہُ تَبَارَکَ وَ تَعَالٰی فِی الْقُرْآنِ الْکَرِیْم   (الله پاڪ قرآن ڪريم ۾ فرمائي ٿو):

رَبُّ السَّمٰوٰتِ وَ الْاَرْضِ وَ مَا بَیْنَهُمَا فَاعْبُدْهُ وَ اصْطَبِرْ لِعِبَادَتِهٖؕ-هَلْ تَعْلَمُ لَهٗ سَمِیًّا۠(۶۵)

(سيپارو: 16، مريم: 65).

صَدَقَ اللہُ الْعَظِیْم وَ صَدَقَ رَسُوْلُہُ النَّبِیُّ الْکَرِیْم صلّی اللہ ُ عَلَیْہِ وَ آلِہٖ وَسَلَّم

ترجموڪنزُ العرفان: آسمانن ۽ زمين ۽ جيڪو ڪجھ انهن جي وچ ۾ آهي سمورن جو رب (اهو ئي آهي) سو انهيءَ جي عبادت ڪر ۽ ان جي بندگيءَ تي ثابت رھ، ڇا الله جي نالي وارو ڪو ٻيو ڄاڻو ٿا؟

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

پيارا اسلامي ڀائرو! الحمدلله! رمضان ڪريم جون بابرڪت، پُرنور ۽ بهارن واريون گھڙيون آهن، رحمتن جي ڇماڇم برسات آهي، هر گهڙي بابرڪت آهي. خوش نصيب آهن اهي ماڻهو جيڪي ظاهري ۽ باطني آدابن سان روزا رکي، خوشدليءَ سان 20 رڪعتون تراويح پڙهي، سحر ۽ افطار جون برڪتون لُٽي رمضان ڪريم جون بهارون حاصل ڪري رهيا آهن ۽ انتهائي محروم ۽ بدقسمت آهن اهي ماڻهو جيڪي هنن مبارڪ گهڙين ۾ به نيڪين کان محروم آهن، روزا ناهن رکندا، تراويح ناهن پڙهندا يا پڙهندا به آهن ته مڪمل ناهن پڙهندا، بخشش ۽ مغفرت ۽ رحمت جي هن عظيم الشان مهيني ۾ به الله پاڪ ۽ رسولِ ڪريم صَلَّى اللّٰهُ عَلَيۡهِ واٰلِهٖ وَسَلَّم  جي رضا وارن ڪمن کان پري آهن. ٻنهي جهانن جي سلطان، شهنشاھِ ڪون و مڪان صَلَّی اللہُ عَلَیْہِ وَ آلِہٖ وَ سَلَّم فرمايو: منهنجي اُمّت ذليل ۽ رسوا نه ٿيندي، جيستائين اها رمضان جو