،۹ /۵۷) اسی طرح حضرت  امام قَسْطَلانیرَحْمَۃُ اللہ   عَلَیْہ فرماتے ہیں:’’ وِلادَتِ باسعادت کے ایّام میں مَحفلِ میلاد کرنےکی خُصُوصِیَّت میں سے یہ تَجرِبہ شُدہ بات ہے کہ اس سال اَمْن و اَمان رہتا ہے۔ اللہ کریم اُس شخص پر رَحمت نازِل فرمائے، جس نے ماہِ وِلادَت کی راتوں کوعید بنا لیا۔‘‘(مواہِبُ اللدُنیَّہ ج۱ ص۱۴۸)جَشنِ میلاد مَنانے والے کو دُنیاوی برکتوں  کے ساتھ ساتھ جنَّت کی خوشخبری بھی ہے۔مشہور محدِّث حضرت شاہ عبدُالحقّ مُحَدِّ ث دِہلوی رَحْمَۃُ اللہ   عَلَیْہفرماتے ہیں:سرکارِ مَدینہصَلَّی اللہ   عَلَیْہِ وَاٰلِہٖ وَسَلَّمَ کی وِلادت کی رات خُوشی مَنانے والوں کی جَزاء یہ ہے کہ اللہ  کریم انہیں اپنے فَضل و کرم سے جَنَّاتُ النَّعِیم میں داخِل فرمائے گا۔ مُسلمان ہمیشہ سے مَحفلِ میلاد مُنعَقِد کرتے آئے ہیں اور وِلادَت کی خُوشِی میں دعوتیں دیتے ، کھانے پکواتے اور خُوب صَدَقہ وخیرات دیتے آئے ہیں۔ خُوب خُوشی کا اِظہار کرتے اور دل کھول کر خَرچ کرتے ہیں،آپ صَلَّی اللہ   عَلَیْہِ وَاٰلِہٖ وَسَلَّم کی وِلادتِ با سعادت کے ذِکْر کا اِہتِمام کرتے ہیں،اپنے مکانوں کوسَجاتے ہیں اور اِن تمام اچھے کاموں کی بَرَکت سے ان لوگوں پر اللہ  کریم  کی رَحمتوں کا نُزول ہو تا ہے۔ (مَا ثَبَتَ مِنَ السُّنّة ص۷۴ ملخصاً،صبح بہاراں ،ص ۱۱)

1500 واں جشنِ ولادت مرحبا صد مرحبا

پیارے اسلامی  بھائیو!آپ نےسنا کہ آقاصَلَّی اللہ  عَلَیْہِ وَاٰلِہٖ وَسَلَّمَ کا  میلاد مَنانے والوں سےاللہ کریم کس قَدر خُوش ہوتا ہے اورانہیں کیسے کیسے عظیمُ الشَّان اِنعام واِکْرام سے نوازتاہے ۔اور اس بار تو پیارے آقا صَلَّی اللہ  عَلَیْہِ وَاٰلِہٖ وَسَلَّمَ کا 1500 واں جشنِ ولادت ہے بھر پور تیاریاں فرمائیں ، جَشنِ وِلادت کی خُوشی میں مسجِدوں،گھروں، دُکانوں ،سُواریوں اوراپنے   مَحَلّے میں بھی سبز سبز پرچم لہرایئے، خُوب چَراغاں کیجئےیاکم اَزْکم بارہ(12) بَلْب تو ضَرور روشن کیجئے،بلکہ چونکہ یہ پیارے آقا صَلَّی اللہ  عَلَیْہِ وَاٰلِہٖ وَسَلَّمَ کا 1500 واں جشن میلاد ہے تو 15 کی نسبت سے 15 بلب اور 15 جھنڈے اپنے گھروں پر لگائیے ربیعُ الاوّل