مخکښينو خلقو باندې راغلي وو * هغوئي ته ډير تکليفونه ورسيدل * او هغوئي ولړزولے شول * هغوئي بيا بيا د سختو ازميښتونو سره مخ شو * د دغه تکليفونو سخت والے دې حد ته ورسيدو چې فرمانبرداره مؤمِنان او د هغوئي رسول هم  نا قراره شول او چغه يې کړه  چې اے رَبِّ کريمه! ستا مدد به کله راځي؟ حالانکې رسولان خو ډير صبرناک وي۔

اے مسلمانانو! پۀ هغوئي باندې دومره سخت تکليفونه راغلل، د دې باوجود هغوئي پۀ دِين باندې قائم پاتې شول، د دُنيا هيڅ يو مشقت، مصيبت، هيڅ يو تکليف د هغوئي حال بدل نکړے شو، لهذا اے مسلمانانو! تاسو خو د هٰغه اُمتونو نه افضل يئ، تاسو له پکار دي چې د صبر ښه نمونه پيش کړئ او پۀ يو صفت کښې هم د هغوئي نه وروستو پاتې نۀ شئ۔۔۔!! ^([1])

د مخکښينو اُمتونو تکليفونه

پۀ بخاري شريف کښې حديثِ پاک دے: صحابئ رسول حضرت خَبَّاب رَضِىَ اللهُ عَـنْهُ فرمائي: سرکارِ عالي وقار، مکي مَدَني تاجدار صَلَّى اللهُ عَلَيْهِ وَاٰلِهٖ وَسَلَّم د خانه کعبې سوري ته خپل څادر مبارک ته ډډه وهلې وه او تشريف فرما وو، مونږه عرض وکړو: يا رسولَ الله   صَلَّى اللهُ عَلَيْهِ وَاٰلِهٖ وَسَلَّم! (پۀ مونږ باندې څومره تکليفونه راغلي دي) تاسو زمونږ د پاره دُعا ولې نۀ کوئ؟ پۀ دې باندې مکي مَدَني سلطان، رحمتِ عالميانِ صَلَّى اللهُ عَلَيْهِ وَاٰلِهٖ وَسَلَّم وفرمائيل: * ستاسو نه پۀ مخکښينو (خلقو باندې ډير مصيبتونه راغلل، هٰغه خلقو دپاره به) پۀ زمکه کښې کندې کنستلے شوي او  پۀ هغې کښې به ښخولے شول * پۀ آره باندې به ريبلے شو او دوه ټوټې کولے به شو * د اوسپنې پۀ ګمنځو به د هغوئي غوښې راشوکولے شوي خو پۀ دې کښې به هيڅ مصيبت هغوئي د هغوئي د دِين نه نشو منع کولے۔ ^([2]) (لهذا لکه څنګه چې هغوئي صبر وکړو، هُم داسې تاسو هم صبر وکړئ! بے شکه د الله پاک مدد نزدې دے)۔