میں آپ کا نام مبارک عمر ہے * آسمانوں میں آپ کوفاروق کے نام سے پہچانا جاتا ہے * آسمانی کتاب تورات شریف میں آپ کا نام مَنْطِقُ الْحَقْ  ( یعنی حق بات کہنے والے )  ہے * انجیل شریف میں آپ کا نامِ نامی کافِی ہے * اور جنّت میں آپ کا نامِ اَقْدس سِراج ہو گا۔ ^{( [1] )}     * آپ 583 عیسوی میں ، ہجرتِ مدینہ سے 41 سال پہلے مکہ پاک میں پیدا ہوئے * پیارے آقا ، مکی مدنی مصطفےٰ صلّی اللہ ُ عَلَیْہِ وَ آلِہٖ وَسَلَّم کے اِعْلانِ نبوت کے چھٹے سال 614 عیسوی میں آپ نے اسلام قبول کیا * سرورِ عالَم ، نورِ  مُجَسَّم صَلَّی اللہ عَلَیْہِ وَ آلِہٖ وَسَلَّم  نے آپ کے اِسْلام لانے کے لئے دُعا فرمائی ، اس لئے آپ کو مُرادِ رسول بھی کہتے ہیں۔ ^{( [2] )}   

رسول اللہ نے فاروق کو اللہ سے مانگا                                 عطاءِ رَبِّ سُبْحَاں حضرتِ فاروقِ اعظم ہیں

چُنا اس پاک نے دیں کے لئے اس پاک ستھرے کو حبیبِ دِین داراں حضرتِ فاروقِ اعظم ہیں

 * حضرت عمر  رَضِیَ اللہ عنہ کے اسلام قبول کرنے سے اسلام کی عزت اور غلبہ میں اِضافہ ہوا ، مسلمانوں کو حوصلہ ملا * حضرت عمر  رَضِیَ اللہ عنہ کے قبولِ اسلام کے بعد ہی مسلمانوں نے حرمِ پاک میں اعلانیہ نماز ادا کی * رسولِ اکرم ، نورِ مجسم صلّی اللہ ُ عَلَیْہِ وَ آلِہٖ وَسَلَّم   نے حضرت عمر رَضِیَ اللہ عنہ کو اپنا وزیر فرمایا * اسلام کی تمام اَہَم منصوبہ بندیوں ( Plannings )  میں حضرت عمر رَضِیَ اللہ عنہ اللہ پاک کے حبیب ، حبیبِ لبیب صلّی اللہ ُ عَلَیْہِ وَ آلِہٖ وَسَلَّم  کے خصوصی مُشِیْر رہے * ساری زِندگی حُضُور جانِ کائنات ، فخر موجودات صلّی اللہ ُ عَلَیْہِ وَ آلِہٖ وَسَلَّم کی خدمت میں گزاری * 13 سِنِ ہجری بمطابق 634 عیسوی یعنی 53 سال کی عمر مبارک میں آپ