اللہ اکبر ! جس سے محبوبِ خدا ، دو عالَم کے آقا صَلَّی اللہ عَلَیْہِ وَ آلِہٖ وَسَلَّم  راضی ہو جائیں ، اسے اَور کیا چاہئے... ! !

خدا کی رضا چاہتے ہیں دو عالَم                      خدا  چاہتا  ہے  رضائے   مُحَمَّد  ( صَلَّی اللہ عَلَیْہِ وَ آلِہٖ وَسَلَّم )   ^{( [1] )}

وضاحت : اس شعر میں اعلیٰ حضرت ، امام عشق ومحبت رحمۃُ اللہ علیہ  نے اُس حدیثِ پاک کی طرف اشارہ فرمایا جس میں یہ بیان ہےکہ قیامت والے دن اللہ پاک سب اگلوں اور پچھلوں کو جمع کر کے اپنے محبوب سے فرمائے گا : كُلُّ أَحَدٍ يَطْلُبُ رِضَايَ وَأَنَا ‌أَطْلُبُ ‌رِضَاكَ یعنی اے محبوب صَلَّی اللہ عَلَیْہِ وَ آلِہٖ وَسَلَّم ! یہ سب میری رضا چاہتے ہیں لیکن اے میرے محبوب ! میں تیری رضا چاہتا ہوں۔ ^{( [2] )}

رِضائے مصطفےٰ ملنا معمولی بات نہیں

پیارے اسلامی بھائیو ! یاد رکھئے ! محبوبِ خُدا ، سرورِ انبیا صَلَّی اللہ عَلَیْہِ وَ آلِہٖ وَسَلَّم  کی رِضا مل جانا کوئی عام بات نہیں ، بہت بڑی فضیلت ہے۔ امام محمد بن محمد غزالی رحمۃُ اللہ علیہ  فرماتے ہیں : آخرت میں اللہ پاک کی طرف سے اَہْلِ جنّت کو جو سب سے بڑا انعام ملے گا ، وہ اللہ پاک کی رضا ہے۔

اب دیکھنا یہ ہے کہ اللہ پاک کی رضا ملتی کیسے ہے ؟ سیّدی اعلیٰ حضرت امامِ اہلسنت شاہ امام احمد رضا خان رحمۃُ اللہ علیہ  فرماتے ہیں :

بَہم عَہْد باندھے ہیں وَصْلِ اَبَد کا            رضائے  خُدا  اور  رضائے  مُحَمَّد ( صَلَّی اللہ عَلَیْہِ وَ آلِہٖ وَسَلَّم )   ^{( [3] )}

وضاحت : ایک ہے اللہ پاک کی رِضا ، ایک ہے محبوبِ خُدا صَلَّی اللہ عَلَیْہِ وَ آلِہٖ وَسَلَّم  کی رضا ، ان