اللہ اَکْبَر ! یہ ہے اِیْمانِ صحابہ   رَضِیَ اللہ عنہم ... ! !  یہ وہ عقیدہ ، وہ باکمال اِیْمان ہے جسے قیامت تک آنے والوں کے لئے مِعْیار قرار دیا گیا ، اس سے معلوم ہوا کہ صحابۂ کرام  علیہم ُالرِّضْوَان  کا یہ پختہ عقیدہ تھا کہ اللہ پاک نے اپنے محبوب  صَلَّی اللہ عَلَیْہِ وَ آلِہٖ وَ سَلَّم  کے لئے غیب کے خزانے کھول دئیے ہیں ، جو ہو چکا ہے اور جو قیامت تک ہو گا ، اس سب کا عِلْم رَبِّ کائنات نے اپنے محبوبِ ذی وقار  صَلَّی اللہ عَلَیْہِ وَ آلِہٖ وَ سَلَّم کو عطا فرما دیا ہے۔

 ( ۴ ) : تُو زِندہ ہے وَاللہ ! تُو زِندہ ہے وَ اللہ... ! !

مُصَنَّف اِبْنِ اَبِی شَیْبہ میں حدیثِ پاک ہے ، مسلمانوں کے دوسرے خلیفہ حضرت عمر فاروقِ اعظم رَضِیَ اللہ عنہ کادورِ خِلافت تھا ، ایک مرتبہ کئی دِنوں تک بارش نہ برسی ، قحط سالی ہو گئی ، اس موقع پر ایک صحابی حضرت بلال بن حارث مُزْنی رَضِیَ اللہ عنہ پیارے آقا ، رسولِ خُدا ، اَحْمدِ مجتبیٰ  صَلَّی اللہ عَلَیْہِ وَ آلِہٖ وَ سَلَّم کے مزارِ پُراَنْوار پر حاضِر ہوئے اور عرض کیا : یارسولَ اللہ   صَلَّی اللہ عَلَیْہِ وَ آلِہٖ وَ سَلَّم ! آپ کی اُمَّت ہلاک ہو رہی ہے ، اس کے لئے بارش کی دُعا فرمادیجئے !

اللہ ! اللہ !

فریاد اُمَّتی جو کرے حالِ زار میں                                                   ممکن  نہیں  کہ خیرِ  بشر  کو  خبر  نہ ہو ^{( [1] )}

   صحابئ رسول رَضِیَ اللہ عنہ نے بارگاہِ رسالت میں عرضی پیش کی تھی ، چنانچہ سرکارِ عالی وقار ، مکی مدنی تاجدار  صَلَّی اللہ عَلَیْہِ وَ آلِہٖ وَ سَلَّم ان کے خواب میں تشریف لائے اور فرمایا : عمرِ