مسجد میں  درس دینے والا بن گیا۔اَلْحَمْدُ لِلّٰہ عَزَّ  وَجَلَّ اب میں  فلمیں  ڈرامے،گانے باجے، بدنگاہی وغیرہ گناہوں  کو چھوڑ چکا ہوں  اور اپنے گھر والوں  پر بھی انفرادی کوشش کرتے ہوئے انہیں بھی نمازی بنانے کی کوشش کررہا ہوں۔

اگر سُنّتیں سیکھنے کا ہے جذبہ                                   تم آجاؤ دیگا سِکھا مدنی ماحول

بُری صحبتوں سے کَنارہ کَشی کر                                  کے اچھوں کے پاس آ کے پا مدنی ماحول

سَنور جائے گی آخرت اِنْ شَآءَ اللہ                           تم اپنائے رکھو سَدا مدنی ماحول

گر آئے شرابی مٹے ہر خرابی                                  چڑھائے گا ایسا نشہ مدنی ماحول

دعا ہے یہ تجھ سے دل ایسا لگا دے                             نہ چُھوٹے کبھی بھی خدا مدنی ماحول

گنہگارو آؤ، سِیَہ کارو آؤ                                        گُناہوں کو دیگا چُھڑا مَدَنی ماحول

(وسائلِ بخشش مرمم،ص۶۴۶تا۶۴۸)

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو! بُری صحبت میں چاہے بڑا مبُتلا ہویا چھوٹا اسے اس کے نُقصانات ضرور پہنچتے ہیں، مگر بڑوں کے مُقابلے میں  بچوں کے حق میں بُری صحبت انتہائی خطرناک ثابت ہوتی ہے کیونکہ انہیں کم عُمری میں اچھے بُرے کی تمیز نہیں ہوتی، اگر  بچپن  ہی سے ان کی مدنی تربیت نہ کی جائے تو یہ بڑے ہوکر آوارہ، ضِدّی،سُودخور،رِشوت خور،بدمذہب،بے نمازی،جُواری،شرابی، بے حیا، فیشن پرست،فلمیں ڈراموں کے شیدائی ،ماں باپ کے نافرمان اورنہ جانے کیسی کیسی بُری خصلتوں کے عادی بن جاتےہیں اور والدین و خاندان کا نام  بدنام کرتے ہیں ۔لہٰذا والدین کو چاہئے کہ وہ اپنے بچوں کی بہتر تعلیم کے ساتھ ساتھ مدنی تَرْبِیَت  کیلئے بھی   وقت نکالیں  اور وقتاً فوقتاً  انہیں اچھی صحبت کے فوائد اور بُرے دوستوں کی صحبت کے نُقصانات بتاکر ان کی دنیا و آخرت سنوارنےاور انہیں مُعاشرے  کا