صَلُّو ا عَلَی الْحَبِیب!                             صَلَّی اللہ  تَعَالٰی عَلٰی مُحَمَّد

     میٹھے میٹھےاسلامی بھائیو!آپ نےجشنِ عید میلادُالنبی صَلَّی اللہ  تَعَالٰی عَلَیْہِ وَاٰلِہٖ وَسَلَّم منانے والوں کا ایمان افروز واقعہ سنا، واقعیاللہ  عَزَّ  وَجَلَّ  میلاد شریف منانے والوں سے خوش ہوتا ہے اور ان پر اپنے انعامات واِکرامات کی بارش بھی فرماتا ہے۔یقیناًمیلاد شریف منانا، ماہِ میلاد میں  اپنے گھروں ، گلی محلّوں  بلکہ اپنی گاڑیوں کو مدنی پرچموں ،جگمگاتے قُمقُموں ،رنگ برنگی لائٹوں سے سجانا،ربیع الاوّل کا چاند نظر آتے ہی مساجد میں مُبارکباد کے اعلان کرنا،اِس ماہِ مبارک کی آمدپربالخصوص گناہوں سے توبہ کرنا،سُنّتوں اورنیکیوں پر اِستقامت پانے کے عظیم مدنی نُسخے یعنی"مدنی انعامات"کے مطابق زندگی گزارنے کا پکّا اِرادہ کرنا،قریہ قریہ،گاؤں گاؤں "مرحبا یا مُصطفےٰ" کی دُھومیں مچانے کے لیے اسلامی بھائیوں کا مدنی قافلے میں سفرکرنا، اجتماعِ مِیلاد و جُلوسِ مِیلاد میں مکتبۃُ المدینہ کے مدنی رسائل تقسیم کرکے  نیکی کی دعوت کو عام کرنا،ربیع الاوّل کے 12دن تک عَلاقوں کی مختلف مساجد میں جشنِ وِلادت کے عظیم الشّان سُنّتوں بھرے اجتماعات مُنعقد کرنا،ربیعُ الاوّل کےہفتہ واراجتماع ومدنی مذاکرے میں مدنی پرچم لیے اوّل تا آخر شرکت کرنا،بارہویں شب اس عظیم رات کی تعظیم کی نیّت سے غُسل کرنا،نیا لباس پہننا،اپنے روزمرّہ اِستعمال کی نئی چیزیں لینا،خَاتَمُ الْمُرسَلِیْن،رَحْمَۃٌ لِّلْعَالَمِیْن،شَفِیْعُ الْمُذْنِبِیْن،اَنِیْسُ الْغَرِیْبِیْن،سِرَاجُ السَّالِکِیْن،مَحْبُوبُ رَبِّ الْعَالَمِیْن،جنابِ صَادِقُ و امین،قرارِہر قَلْبِ غَمْگِین صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی سُنّت پر عمل کرتے ہوئےیومِ ولادت کوروزہ رکھنا،بارہویں شب اِجتماعِ مِیلاد میں گزار کرصبحِ صادق ،ہاتھوں میں مدنی پرچم اُٹھائے،دُرود و سلام کے ہار لیے، اشکبارآنکھوں سے"صبحِ بہاراں"کااِستقبال کرنا،بعدِ نمازِ فجر"سلام وعید مبارک"کہہ کرایک دُوسرے کے ساتھ گرم جوشی کے ساتھ مُلاقات کرنا،سارادِن عید کی مُبارکباد پیش کرنااورعید مِلتے رہنا،خوشی کا