اُس  فرشتے نے بتایا:تَخت پر شہزادیٔ کونین حضرت سَیِّدَتُنا فاطِمہ زَہرارَضِیَ اللہ  تَعَالٰی عَنْہَا ہیں اورکُرسیوں پرحضرت سَیِّدَتُنا خدیجۃُ الکبریٰ، سَیِّدَتُنا عائشہ صِدّیقہ،سیِّدَتُنامریم ،سیِّدَتُناآسِیہ،سیِّدَتُنا سارہ،سیِّدَتُناہاجِرہ،سیِّدَتُنارابِعہ اورسیِّدَتُنا زُبیدہرَضِیَ اللہ  تَعَالٰی عَنْہُنَّہیں۔اسے بَہُت خوشی ہوئی، مزید آگے بڑھا توکیادیکھتا ہے کہ ایک بہت ہی عظیم تخت بچھا ہے اور اس پرسرکار صَلَّی اللّٰہُ تَعَالٰی عَلَیْہِ  وَسَلَّمَ اپناچاند سا چہرہ چمکائے رونق افروز(تشریف فرما)ہیں۔ اِردگرد چار کُرسیاں بچھی ہوئی ہیں،ان پر خُلفَا ئے راشِدِینعَلَيْهِمُ الرِضْوَانتشریف فرما ہیں۔ دائیں طرف سونے کی کُرسیوں پر انبیائے کِرام عَلَيْهِمُ السَّلَامرونق افروز او ر بائیں جانب شُہدائے کِرام جلوہ فرما ہیں۔اتنے میں اس کے والِدِ مرحوم ابراھیم بھی حضورِ انور صَلَّی اللّٰہُ تَعَالٰی عَلَیْہِ  وَسَلَّمَ کے قریب ہی جُھرمَٹ(یعنی لوگوں کےایک گروہ)میں نظر آگئے۔ والدصاحِب نے اپنے لختِ جگر کو سینے سے لگا لیا، وہ بَہُت خوش ہوااور سُوال کیا:ابّاجان!آپ کو یہ عالیشان رُتبہ کیوں کر حاصِل ہوا؟جواب دیا:اَلْحَمْدُ لِلّٰہ عَزَّ  وَجَلَّ!یہ جشنِ وِلادت منانے کا صِلہ ہے۔اِسکے بعد اُس نوجوان کی آنکھ کُھل گئی۔صُبح ہوتے ہی اُس نے اپنا مکان اَونے پَونےداموں(یعنی کم قیمت میں) بیچا اور والِدِ مرحوم کے بچے ہوئے پچاس(50)دِرہَم کے ساتھ اپنی ساری رقم مِلا کر طَعام کا اہتِمام کیا اور عُلَماء وصُلَحاء (یعنی نیک وپرہیز گار لوگوں)کی دعوت کی۔ اُس کادل دُنیاسے اُچاٹ ہو چکا تھا،چُنانچِہ مسجِد میں عبادت اور اُسی کی خدمت میں مشغول رَہنے لگا اور اپنی زندَگی کے بَقیّہ تیس (30)سال اسی طرح گزار دیئے۔ بعدِ وفات کسی نے اسے خواب میں دیکھ کر پوچھا:کیا گُزری؟بولا:مُجھے جشنِ ولادت منانے کی بَرَکت سے جنَّت میں اپنے والِد مرحوم کے پاس پہنچا دیا گیا ہے۔(صبح بہاراں ،ص۸تا۱۱)

                                                                                                                                                                     (وسائلِ بخشش ص۴۸۴)