،جلوسِ میلاد میں جائیں،اس دن خُوب صدقہ وخیرات کی عادت بنائیں،اِنْ شَآءَ اللہ عَزَّ  وَجَلَّ  اس کی خوب خوب برکتیں پائیں گے ۔جیساکہ

        حضرت سَيّدناامام عبد ُالرّحمن ابنِ جوزی رَحْمَۃُ اللہ  تَعَالٰی عَلَیْہ فرماتے ہیں :جشن ِولادت پر فرحت و مسرت کرنے والے کے لیےیہ خوشی، جہنَّم سے رُکاوٹ بنے گی  ۔اے اُمَّت ِ محبوب!تمہارے لیے خوشخبری ہو تم دنیا و آخرت میں خیرِ کثیر کے حقدار قرار پائے ۔حضرت سیدنااحمد ِمجتبی،محمدِ مصطفےٰ صَلَّی اللہ  تَعَالٰی عَلَیْہِ وَاٰلِہٖ وَسَلَّم  کا جشنِ ولادت منانے والے کوبرکت ،عزت ،بھلائی  اور فخرملے گا ،موتیوں کا عمامہ  اور سبز حُلَّہ پہن کر وہ داخل ِ جنت ہوگا ،بے شُمار محلاّت اُسے عطاکیے جائیں گے اورہر محل میں  حُور ہوگی ۔نبیِ خیرُ الاَنام صَلَّی اللہ  تَعَالٰی عَلَیْہِ وَاٰلِہٖ وَسَلَّم پر خوب دُرُودپڑھیے ،جشنِ ولادت مناکراسے خُوب عام کیا جائے۔(مجموع لطیف  النبی  فی صیغ المولد النبوی القدسی،مولد العروس،ص۲۸۱،ملتقطاً)

       حافظُ الحدیث  امام ابُو الخیر محمدبن عبدالرَّحْمٰن سَخاوی  رَحْمَۃُ اللہ  تَعَالٰی عَلَیْہ فرماتے ہیں : جشن ِولادت   مَنانے والوں پر اس عمل کی برکات سے فضلِ عظیم ظاہر ہوتا ہے ۔(سبل الھدی و الرشاد ،الباب الثالث عشر فی اقوال العلماء۔۔۔الخ،  ۱/۳۶۲)حضرت سیِّدُنا امام احمد بن محمد قسطلانی رَحْمَۃُ اللہ  تَعَالٰی عَلَیْہفرماتے ہیں:’’وِلادَتِ باسعادت کے ایّام میں مَحفلِ میلاد کرنے کے خَواص(فوائد)سے یہ اَمْرمُجرَّب(یعنی تَجرِبہ شُدہ) ہے کہ اس سال اَمْن و اَمان رہتا ہے ۔اللہ  عَزَّ  وَجَلَّ اُس شخص پر رَحمت نازِل فرمائے جس نے ماہِ وِلادَت کی راتوں کوعید بنا لیا۔‘‘(مواھِبُ اللدُنیَّۃ،المقصد الاول،ذکررضاعہ،۱/۷۸)

عِیدِ مِیلادُ النّبی تو عِید کی بھی عِید ہے

بالیقیں ہے عِیدِ عِیداں عیدِ مِیلادُ النّبی

                              (وسائلِ بخشش مُرمّم،ص380)

                        صَلُّو ا عَلَی الْحَبِیب!                                       صَلَّی اللہ  تَعَالٰی عَلٰی مُحَمَّد